متحدہ عرب امارات کرکٹ بورڈ نے پاکستان سپر لیگ (پی ایس ایل) سیزن 11 میں شریک اپنے کھلاڑیوں کو واپس بلا لیا ہے۔ ذرائع کے مطابق یہ فیصلہ یو اے ای کے ڈومیسٹک ڈی50 ٹورنامنٹ میں شرکت کے لیے کیا گیا۔
مزید پڑھیں: صاحبزادہ فرحان کی ٹی20 کرکٹ میں حکمرانی، پاکستان سپر لیگ 11 میں بیٹنگ کا جادو
رپورٹس کے مطابق کراچی کنگز کی نمائندگی کرنے والے 2 کھلاڑی، خزیمہ تنویر اور محمد وسیم، امارات کرکٹ بورڈ کی ہدایات پر وطن واپس روانہ ہو چکے ہیں۔ تاہم امکان ظاہر کیا جا رہا ہے کہ وہ ڈومیسٹک مقابلوں میں 2 میچز کھیلنے کے بعد دوبارہ ٹیم کو جوائن کر سکتے ہیں۔
کراچی کنگز اپنا اگلا میچ 9 اپریل کو پشاور زلمی کے خلاف کراچی میں کھیلیں گے۔
دوسری جانب پی ایس ایل کے ایک اور میچ میں ملتان سلطانز نے کوئٹہ گلیڈی ایٹرز کو 6 وکٹوں سے شکست دے دی۔ ہدف کے تعاقب میں ملتان سلطانز نے 167 رنز کا مطلوبہ اسکور باآسانی حاصل کر لیا۔
مزید پڑھیں: پاکستان سپر لیگ 11 میں تاریخی اصلاحات، پلیئر ڈرافٹ کی جگہ پلیئر آکشن ماڈل متعارف
میچ میں آسٹریلوی بیٹر اسٹیون اسمتھ نے شاندار نصف سینچری اسکور کرتے ہوئے 53 رنز بنائے، جبکہ صاحبزادہ فرحان نے جارحانہ آغاز فراہم کیا۔ دونوں کے درمیان ابتدائی شراکت نے ٹیم کی جیت کی بنیاد رکھی۔
