قومی کرکٹ ٹیم کے بیٹر فخر زمان نے ٹی20 انٹرنیشنل سے ریٹائرمنٹ سے متعلق خبروں پر خاموشی توڑ دی ہے۔
اپنے بیان میں فخر زمان نے کہاکہ انہوں نے ورلڈکپ کے بعد ٹی20 کرکٹ سے ریٹائر ہونے کا فیصلہ کیا تھا، تاہم اب ان کا ریٹائرمنٹ کا کوئی ارادہ نہیں ہے۔
انہوں نے کہاکہ وہ ٹی20 کرکٹ کو اچھے انداز میں مکمل کرنا چاہتے ہیں۔
واضح رہے کہ 35 سالہ فخر زمان پاکستان کی ٹی20 ٹیم کے اہم کھلاڑی رہے ہیں۔
انہوں نے 120 میچز میں 132.51 کے اسٹرائیک ریٹ کے ساتھ 2 ہزار 494 رنز اسکور کیے ہیں جن میں 14 نصف سینچریاں شامل ہیں۔
فخر زمان پاکستان سپر لیگ میں لاہور قلندرز کی نمائندگی بھی کرتے ہیں اور مسلسل 11ویں سیزن میں ٹیم کا حصہ ہیں، جہاں انہوں نے شاندار کارکردگی کا مظاہرہ کیا ہے۔
