پنجاب حکومت نے مارکیٹیں رات 8 بجے بند کرنے کی تجویز مسترد کردی۔
ذرائع کے مطابق وزیراعلیٰ پنجاب مریم نواز نے مارکیٹیں رات 8 بجے بند کرنے کی تجویز مسترد کردی ہے۔
ذرائع کا کہنا ہے کہ صوبے بھر میں مارکیٹیں رات 10 بجے تک کھلی رکھنے کا فیصلہ کیا گیا ہے۔
ذرائع پنجاب حکومت کے مطابق اس مرحلے پر کاروباری اوقات میں تبدیلی کی ضرورت نہیں سمجھی گئی۔
حکام کی جانب سے تاجر تنظیموں اور کاروباری نمائندوں سے مزید مشاورت کی ہدایت بھی کی گئی ہے۔
ذرائع کے مطابق اس معاملے پر مشاورت مکمل ہونے کے بعد آئندہ اجلاس میں دوبارہ غور کیا جائے گا۔
دوسری جانب بلوچستان اور خیبرپختونخوا حکومت نے مارکیٹیں جلدی بند کرنے کے فیصلے پر عملدرآمد کا آغاز کردیا ہے۔
