لاہور کے تاجروں نے دکانیں جلد کھولنے اور رات 8 بجے بند کرنے کے حکومتی فیصلے کو مسترد کر دیا، جس کے باعث شہر کی بڑی مارکیٹیں صبح کے اوقات میں بند رہیں۔
مزید پڑھیں:اسلام آباد میں دکانیں اور شاپنگ مالز رات 8 بجے بند کرنے کا نوٹیفکیشن جاری
تاجروں کا مؤقف ہے کہ نئے اوقات کار ان کے کاروبار کے لیے نقصان دہ ہیں، اسی لیے انہوں نے اس فیصلے پر عملدرآمد سے انکار کر دیا ہے۔
دوسری جانب پشاور سمیت خیبر پختونخوا کے مختلف شہروں میں تاجروں نے دکانیں صبح کھول دیں اور حکومتی فیصلے پر عمل کیا۔
جبکہ کوئٹہ میں تاجروں کا ملا جلا ردعمل سامنے آیا، جہاں کچھ نے حکومتی پالیسی کو اپنایا تو بعض نے نئے شیڈول پر نظرثانی کا مطالبہ کیا۔
مزید پڑھیں:توانائی بچت پروگرام: حکومت کا ملک بھر میں بازار رات 8 بجے بند کرنے کا فیصلہ
یاد رہے کہ گزشتہ روز حکومت کی جانب سے پنجاب، بلوچستان اور خیبر پختونخوا میں بازار صبح 10 بجے کھولنے اور رات 8 بجے بند کرنے کا فیصلہ کیا گیا تھا۔
