مشرقِ وسطیٰ میں حالیہ جنگ بندی کے تناظر میں پاکستان کے کردار کو اہم قرار دیتے ہوئے قومی اتحاد کی ضرورت پر زور دیا گیا ہے۔ کیوں کہ قومی یکجہتی ہی پاکستان کی اصل طاقت ہے۔
موجودہ صورت حال میں عالمی سطح پر پاکستان کا مثبت تشخص ابھرا ہے، جو سیاسی اور فوجی قیادت کی ہم آہنگی کا نتیجہ ہے۔
حکومت اور ریاستی اداروں کے خلاف منفی پراپیگنڈا کرنے والے عناصر قومی مفادات کو نقصان پہنچاتے ہیں، اس لیے ذاتی یا سیاسی فوائد کے لیے ریاست کو کمزور نہیں کرنا چاہیے۔
باشعور قومیں مشکل وقت میں حکومت اور اداروں کے ساتھ کھڑی ہوتی ہیں، وہ عناصر جو ڈالروں کی خاطر ہندوستان کی پراکسی بنے ہوئے ہیں، ان کے لیے بھی یہ سبق ہے کہ ریاست اور قوم کے ساتھ جڑنے میں ہی آپ کی بقا اور خوشحالی ہے۔
اگر ہم اپنے ملک کے خلاف سازشوں کا حصہ نہ بنیں تو ہم پاکستان کے ابھرتے عالمی کردار کو اپنی معاشی خوشحالی میں بدل سکتے ہیں۔
پاکستان کی حالیہ کامیابی کے بعد اب بھارت ہمارے خلاف سازشیں مزید تیز کر دے گا، مگر ہمیں اتحاد اور قومی جذبے سے ایسی تمام سازشوں کو شکست دینی ہوگی۔
