سابق وزیراعظم و صدر پاکستان مسلم لیگ ن نواز شریف نے ایران اور امریکا کے درمیان جنگ بندی میں پاکستان کے کردار کو سراہتے ہوئے وزیراعظم شہباز شریف، نائب وزیراعظم اسحاق ڈار اور فیلڈ مارشل سید عاصم منیر کی سفارتی کاوشوں کی تعریف کی ہے۔
سماجی رابطے کی سائٹ ’ایکس‘ پر ایک بیان میں نواز شریف نے کہاکہ وہ وزیراعظم شہباز شریف، نائب وزیراعظم اسحاق ڈار اور فیلڈ مارشل سید عاصم منیر کی غیر معمولی سفارتی کوششوں کو سراہتے ہیں، جن کی بدولت ایک بڑے عالمی بحران کو ٹالنے اور ایران و امریکا کے درمیان جنگ بندی ممکن بنانے میں مدد ملی۔
I warmly commend Prime Minister Shehbaz Sharif, Deputy Prime Minister Ishaq Dar, and Field Marshal Syed Asim Munir for their exceptional diplomatic efforts in averting a major global crisis and securing Iran – U.S. ceasefire. I also applaud the leadership of Iran and the United…
— Nawaz Sharif (@NawazSharifMNS) April 8, 2026
انہوں نے ایران اور امریکا کی قیادت کو بھی امن اور دانشمندی کا راستہ اختیار کرنے پر خراج تحسین پیش کیا۔
نواز شریف نے امید ظاہر کی کہ یہ پیشرفت عالمی سطح پر پائیدار استحکام کے قیام کی جانب ایک بامعنی قدم ثابت ہوگی۔
واضح رہے کہ پاکستان کی سفارتی کوششوں کے نتیجے میں امریکا اور ایران کے درمیان فوری جنگ بندی پر اتفاق ہوا ہے، جسے خطے میں کشیدگی کم کرنے کی جانب اہم پیشرفت قرار دیا جا رہا ہے۔
