سوشل میڈیا پر گردش کرنے والے ایک نوٹیفکیشن میں دعویٰ کیا گیا کہ پیٹرول کی قیمت میں 78 روپے فی لیٹر کمی کی گئی ہے اور نئی قیمت 300.41 روپے فی لیٹر ہو گئی ہے، جبکہ ڈیزل کی قیمت میں 100 روپے کمی کے بعد اسے 420.35 روپے فی لیٹر بتایا گیا۔
تاہم اس دعوے کی حقیقت سامنے آگئی ہے کہ یہ نوٹیفکیشن مکمل طور پر جعلی ہے۔
نجی ٹی وی نے بھی پیٹرولیم مصنوعات کی قیمتیں کم ہونے کی خبر نشر کی تھی، لیکن بعد ازاں حکام نے واضح کیا کہ پٹرولیم مصنوعات کی نئی قیمتوں کا ابھی تک کوئی باضابطہ اعلان نہیں کیا گیا۔
وزارت پیٹرولیم کے ترجمان نے میڈیا سے اپیل کی ہے کہ جعلی خبروں کو پھیلانے سے گریز کریں، کیونکہ فی الحال اس حوالے سے کوئی سرکاری پریس ریلیز جاری نہیں کی گئی۔
