پشاور زلمی کے اسٹار بیٹر کوشل مینڈس اس وقت مشکل صورتحال کا شکار ہو گئے جب ایک پریس کانفرنس کے دوران ان سے گزشتہ برس پی ایس ایل 10 کو ادھورا چھوڑ کر بھارتی لیگ (آئی پی ایل) میں شمولیت اختیار کرنے کے حوالے سے تیکھا سوال پوچھا گیا۔
یہ بھی پڑھیں: میں ویرات کوہلی کو مبارک باد کیوں دوں؟، کوشل مینڈس کے جواب نے 1.486 بلین لوگوں کے جذبات کو مجروح کیا
کراچی میں لاہور قلندرز کے خلاف شاندار فتح کے بعد میڈیا سے گفتگو کرتے ہوئے سری لنکن کھلاڑی سے پوچھا گیا کہ انہوں نے پی ایس ایل کا گزشتہ سیزن ادھورا کیوں چھوڑا تھا؟ اس سوال پر مکمل طور پر خاموش نظر آئے۔
🚨How the hell they can ask such Question from a Professional cricketer, its totally their Choice, you clowns
• Journalist🗣️:- You withdrew from Pakistan Super League Year post Indo Pak War to join Gujrat Titans but PSL gave you respect, will You disrespect again
• Kusal… pic.twitter.com/ibQIdEuPt8
— SheR•ALI (@Sher__Ali) April 11, 2026
کوشل مینڈس گزشتہ سال پی ایس ایل کے 10ویں ایڈیشن میں کوئٹہ گلیڈی ایٹرز کی نمائندگی کر رہے تھے، تاہم وہ مبینہ سیکیورٹی خدشات کا عذر بنا کر ٹورنامنٹ کے بقیہ میچز چھوڑ کر گجرات ٹائٹنز کا حصہ بننے کے لیے بھارت روانہ ہو گئے تھے۔
یہ بھی پڑھیں: پی ایس ایل سیزن 10، کوئٹہ گلیڈی ایٹرز نے پشاور زلمی کو 65 رنز سے شکست دے دی
پریس کانفرنس کے دوران ان سے سوال کیا گیا کہ کیا انہیں اپنے اس فیصلے پر کوئی پچھتاوا ہے؟ خاص طور پر اس تناظر میں کہ رواں برس پی ایس ایل کے تمام انتظامات بہترین رہے ہیں اور وہ خود اس بار کسی آئی پی ایل فرنچائز کا حصہ بھی نہیں ہیں۔
اس سوال پر 31 سالہ وکٹ کیپر بیٹر نے کوئی جواب نہیں دیا اور خاموشی اختیار کر لی، جس کے بعد پشاور زلمی کے میڈیا مینیجر نے مداخلت کرتے ہوئے صحافیوں سے درخواست کی کہ سوالات کو صرف آج کے میچ تک محدود رکھا جائے۔
یہ بھی پڑھیں: پی ایس ایل آکشن مکمل ہونے کے بعد تمام 8 ٹیموں پر ایک نظر
واضح رہے کہ گزشتہ سیزن میں مینڈس نے کوئٹہ کے لیے 5 میچوں میں 143 رنز بنائے تھے، تاہم ان کے اچانک چلے جانے سے ٹیم کو مڈل آرڈر میں مشکلات کا سامنا کرنا پڑا تھا۔ جس کے بعد انہیں آئی پی ایل میں جوش بٹلر کے متبادل کے طور پر شامل کیا گیا تھا۔
