اسلام آباد انٹرنیشنل ایئرپورٹ نے اندرون ملک فضائی روابط کو فروغ دینے کی جانب ایک اور اہم قدم اٹھالیا۔
یہ بھی پڑھیں: اسلام آباد ایئرپورٹ آؤٹ سورس کرنے سے متعلق اہم اجلاس
ہیڈکوارٹرز پاکستان ایئرپورٹس اتھارٹی کے مطابق نجی ایئرلائن ایئر سیال نے اسلام آباد سے سکھر کے لیے اپنی پہلی ایئربس اے 320 پرواز کا باقاعدہ آغاز کر دیا ہے۔
افتتاحی پرواز 37 مسافروں کو لے کر دوپہر 12 بجکر 10 منٹ پر سکھر پہنچی جبکہ واپسی پرواز 39 مسافروں کے ساتھ دوپہر ایک بج کر 12 منٹ پر سکھر سے روانہ ہوئی۔
مزید پڑھیے: فِٹس ایئر کا پاکستان میں فلائٹ آپریشن، کولمبو لاہور پرواز کا آغاز
ابتدائی شیڈول کے مطابق اس روٹ پر ہفتہ وار ایک پرواز چلائی جائے گی جس سے اسلام آباد اور سکھر کے درمیان براہ راست فضائی رابطہ مزید بہتر ہو گا۔
