’کراچی میں رہنا پیرس میں رہنے جیسا ہے‘، شرمیلا فاروقی کے بیان پر صارفین کا دلچسپ ردعمل

منگل 14 اپریل 2026

پاکستان پیپلز پارٹی کی رہنما شرمیلا فاروقی نے کراچی کو پیرس سے تشبیہ دے دی ان کا کہنا تھا کہ کراچی میں رہنا ایسا ہے جیسے پیرس میں رہ رہے ہوں۔

شرمیلا فاروقی نے حال ہی میں شرمیلا فاروقی نے ایک نجی ٹی وی پروگرام میں شرکت کی جہاں میزبان کی جانب سے مختلف ہلکے پھلکے سوالات پوچھے گئے۔ اسی سیگمنٹ کے دوران ان سے خالی جگہ پر کرنے کا سوال کیا گیا کہ ’کراچی میں رہنا ایسا ہے جیسے۔۔۔‘

"کراچی میں رہنا ایسی ہے جیسے پیرس۔" پی پی رہنما شرمیلا فاروقی کا دلچسپ جواب

#ARYNews #PSL11 #HLPJ pic.twitter.com/ZveH1QgACI

— ARY NEWS (@ARYNEWSOFFICIAL) April 13, 2026

اس سوال کے جواب میں شرمیلا فاروقی نے مسکراتے ہوئے کہا کہ ’کراچی میں رہنا ایسا ہے جیسے پیرس میں رہنا‘۔ ان کے اس جواب پر پروگرام میں موجود سابق کرکٹرز، میزبان اور دیگر شرکاء نے تالیاں بجائیں اور ماحول خوشگوار ہوگیا۔

تاہم یہ بیان سوشل میڈیا پر مختلف ردعمل کا باعث بھی بنا۔ بعض صارفین نے اس پر تنقیدی تبصرے کیے اور طنزیہ انداز میں کہا کہ اس تشبیہ کے بجائے اسے یوں کہنا چاہیے تھا کہ کراچی میں رہنا ایسے ہی ہے جیسے جنت میں رہنا۔

جہاں گھر وہاں جنت ہے تو پھر پیرس سے تشبیہ کیوں دی؟ پھر تو کہنا چاہیے تھا کہ کراچی میں رہنا ایسے ہی ہے جیسے جنت میں رہنا.

— Hasnat Ahmad (@florish39) April 13, 2026