نائب وزیراعظم و وزیرِ خارجہ سینیٹر اسحاق ڈار نے کویت کے وزیرِ خارجہ شیخ جراح جابر الصباح سے ٹیلیفونک رابطہ کیا۔
کویتی وزیرِ خارجہ نے اسلام آباد مذاکرات میں پاکستان کے کردار کو سراہتے ہوئے نائب وزیراعظم و وزیرِ خارجہ کی کاوشوں کی تعریف کی۔
یہ بھی پڑھیے: اسحاق ڈار کی یورپی یونین خارجہ امور کی نمائندے سے ٹیلی فونک گفتگو، خطے کی صورتحال پر تبادلہ خیال
اسحاق ڈار نے اس موقع پر مسائل کے حل کے لیے مکالمے اور سفارتکاری کو واحد مؤثر راستہ قرار دیتے ہوئے پاکستان کے مسلسل اور سنجیدہ کردار جاری رکھنے کے عزم کا اعادہ کیا۔
دونوں رہنماؤں نے پاکستان اور کویت کے درمیان مضبوط تعلقات کی توثیق کی اور قریبی رابطے میں رہنے پر اتفاق کیا۔
