امریکا کےڈونلڈ ٹرمپ نے ایک بیان میں لبنان کی صورتحال پر ردِ عمل دیتے ہوئے کہا ہے کہ وہ امید کرتے ہیں کہ حزب اللہ اس اہم وقت میں ذمہ داری کا مظاہرہ کرے گی۔
مزید پڑھیں: اسرائیل اور لبنان کے درمیان 10 روزہ جنگ بندی پر اتفاق، صدر ٹرمپ کا اعلان
سوشل میڈیا پلیٹ فارم ٹرتھ پر جاری اپنے پیغام میں ٹرمپ نے کہا کہ اگر حزب اللہ مثبت رویہ اپناتی ہے تو یہ ان کے لیے ایک بہترین موقع ہوگا۔ انہوں نے مزید کہا کہ اب مزید خونریزی نہیں ہونی چاہیے اور خطے میں بالآخر امن قائم ہونا چاہیے۔
اپنے پیغام کے اختتام پر انہوں نے کہا کہ اب وقت آ گیا ہے کہ امن قائم ہو۔
بعد ازاں ایک اور مختصر بیان میں ڈونلڈ ٹڑمپ نے لبنان کے حوالے سے کہا کہ آج کا دن شاید تاریخی ثابت ہو سکتا ہے اور اس بات کے اشارے دیے کہ وہاں مثبت پیشرفت ہو رہی ہے۔
تجزیہ کاروں کے مطابق ٹرمپ کے یہ بیانات ایک حساس وقت میں سامنے آئے ہیں جب لبنان اور خطے میں کشیدگی اور سکیورٹی صورتحال عالمی توجہ کا مرکز بنی ہوئی ہے۔
