سعودی وزارتِ حج و عمرہ نے آج فضائی، زمینی اور بحری راستوں سے عازمین حج کی آمد کا آغاز کردیا ہے تاکہ اس سال کی حج کی ادائیگی ممکن ہو سکے۔
یہ اقدامات سعودی قیادت کی ہدایات کے تحت اور وزیرِ داخلہ و چیئرمین کمیٹی حج اعلیٰ شہزادہ عبدالعزیز بن سعود بن نایف بن عبدالعزیز کی نگرانی میں کیے گئے ہیں۔
وزارت نے بتایا کہ آج فضائی راستوں سے قریباً 30 پروازیں مختلف ممالک سے پہنچیں جن میں پاکستان، ترکیہ، افغانستان، ملائیشیا، بھارت، بنگلہ دیش اور تھائی لینڈ شامل ہیں۔
وزارت نے مزید بتایا کہ عازمین حج کی سہولت کے لیے اضافی عملہ تعینات کیا گیا ہے اور مخصوص راستے فعال کیے گئے ہیں تاکہ آمد کی کارروائیوں کو تیز تر بنایا جا سکے۔
وزارت نے یہ بھی واضح کیاکہ مختلف زبانوں میں رہنمائی کی خدمات فراہم کی جا رہی ہیں تاکہ حجاج کو مکہ مکرمہ اور مدینہ منورہ میں ان کی قیام گاہ تک پہنچنے میں آسانی ہو۔
واضح رہے کہ یہ اقدامات 12 ذی الحجہ 1446 سے شروع ہونے والی تیاریوں کا حصہ ہیں تاکہ حجاج کو محفوظ اور منظم ماحول میں مناسک کی ادائیگی ممکن ہو سکے۔
