فیڈرل انویسٹی گیشن ایجنسی (ایف آئی اے) کے کمرشل بینکنگ سرکل کراچی نے کارروائی کرتے ہوئے ایرانی کرنسی کی غیر قانونی خرید و فروخت میں ملوث ایک ملزم کو گرفتار کر لیا اور اس کے قبضے سے قریباً ڈیڑھ ارب ایرانی ریال برآمد کر لیے۔
ترجمان ایف آئی اے کے مطابق کارروائی کے دوران گرفتار ملزم سید جہانزیب شاہ کے قبضے سے 1.45 ارب ایرانی ریال برآمد ہوئے، جبکہ اس کے موبائل فونز کے فرانزک تجزیے سے غیر قانونی کرنسی کے کاروبار میں ملوث ہونے کے واضح شواہد بھی حاصل ہوئے ہیں۔
مزید بتایا گیا کہ ملزم کو قانونی کارروائی کے لیے ایف آئی اے کے کمرشل بینکنگ سرکل کراچی منتقل کر دیا گیا ہے، جہاں اس کے خلاف مقدمہ درج کر کے تفتیش کا عمل جاری ہے۔
واضح رہے کہ امریکا اور ایران کے درمیان معاہدے کے امکانات کے باعث ایرانی کرنسی کا غیرقانونی کاروبار عروج پر پہنچ گیا ہے۔
