قومی کرکٹ ٹیم کے سابق کپتان محمد رضوان نے اپنی حالیہ کارکردگی پر کھل کر بات کرتے ہوئے اعتراف کیا ہے کہ موجودہ فارم کے پیش نظر وہ خود کو ٹیم میں جگہ کا حقدار نہیں سمجھتے۔
نیشنل اسٹیڈیم کراچی میں میڈیا سے گفتگو کے دوران انہوں نے کہاکہ بگ بیش لیگ کے دوران انہوں نے حارث رؤف سے بھی یہی بات کی تھی کہ ان کی اس وقت کی کارکردگی ٹیم میں شمولیت کے معیار پر پوری نہیں اترتی، تاہم اس کا یہ مطلب ہرگز نہیں کہ وہ ہمت ہار رہے ہیں۔
Mohammad Rizwan was asked if he should retire from T20 cricket. Here’s what he had to say 👇 pic.twitter.com/u0h8emrwTO
— ESPNcricinfo (@ESPNcricinfo) April 20, 2026
صحافیوں سے بات کرتے ہوئے محمد رضوان نے کہاکہ وہ وہی کھلاڑی ہیں جن کے بارے میں کبھی کہا جاتا تھا کہ وہ چھکا نہیں لگا سکتے، لیکن انہوں نے اپنی محنت سے خود کو منوایا۔
انہوں نے مزید کہا کہ بطور انسان غلطیاں ہونا فطری امر ہے، اور وہ اپنی کارکردگی میں کمی کو اپنی محنت میں کمی سے جوڑتے ہیں۔
ان کا کہنا تھا کہ انہیں کرکٹ سے بے حد لگاؤ ہے اور وہ اسی میدان میں اپنی پہچان رکھتے ہیں۔
محمد رضوان کے مطابق وہ کپتان کو بھی بارہا یہ مشورہ دیتے رہے ہیں کہ اگر ان کی کارکردگی بہتر نہیں تو ان کی جگہ کسی اور کھلاڑی کو موقع دیا جائے۔
