امریکی نائب صدر جے ڈی وینس کی آج دوپہر 2 بجے امریکا سے روانگی سے متعلق گردش کرنے والی خبروں میں کوئی صداقت نہیں ہے۔
ذرائع کے مطابق، امریکی نائب صدر جے ڈی وینس، جو ایران کے ساتھ ممکنہ جنگ بندی مذاکرات کے سلسلے میں کل صبح اسلام آباد پہنچنے کی توقع رکھتے ہیں، ان کی روانگی کے حوالے سے اب تک کوئی مستند اطلاع سامنے نہیں آئی۔
نہ تو کسی امریکی میڈیا ادارے، وائٹ ہاؤس بریفنگ روم اور نہ ہی وائٹ ہاؤس کے ترجمان کی جانب سے اس حوالے سے کوئی باضابطہ بیان جاری کیا گیا ہے۔
واضح رہے کہ امریکی نائب صدر عموماً امریکی ایئر فورس کے خصوصی طیارے میں سفر کرتے ہیں، تاہم اب تک اس طیارے کی روانگی کے بارے میں بھی کسی سرکاری ذریعے سے تصدیق نہیں ہو سکی۔
حکام کے مطابق، اس حوالے سے مصدقہ معلومات کا انتظار کیا جا رہا ہے۔
