غیر متوقع تعطیلات میں بھی عدالتی نظام جاری رکھنے کے لیے سپریم کورٹ کے نئے ایس او پیز جاری

منگل 21 اپریل 2026
icon-facebook icon-twitter icon-whatsapp

سپریم کورٹ آف پاکستان نے غیر متوقع عوامی تعطیلات کے دوران عدالتی امور کے تسلسل اور مقدمات کی سماعت کو یقینی بنانے کے لیے نئے معیاری طریقہ کار (ایس او پیز) جاری کر دیے ہیں۔

21 اپریل 2026 کو جاری پریس ریلیز کے مطابق، ان اقدامات کا مقصد عدالتی نظام کو بلا تعطل جاری رکھنا، مقدمات کی سماعت کو شفاف اور قابلِ پیشگوئی بنانا اور ترجیحی بنیادوں پر کیسز نمٹانا ہے۔

ایس او پیز کے تحت ہنگامی طور پر اعلان ہونے والی تعطیلات میں بھی عدالت کے انتظامی اور عدالتی امور معمول کے مطابق جاری رہیں گے، جس کے لیے کم سے کم ضروری عملہ تعینات کیا جائے گا، تاہم اس حوالے سے حتمی اختیار چیف جسٹس آف پاکستان کے پاس ہوگا۔

نئے نظام کے مطابق فوری نوعیت کے مقدمات کو ترجیح دی جائے گی، جن میں خاندانی تنازعات، ضمانت کی درخواستیں، فوجداری نظرثانی اپیلیں، 80 سال سے زائد عمر کے قیدیوں کے کیسز، بحالی کی درخواستیں، صلح نامے اور مختصر قانونی نکات پر مشتمل مقدمات شامل ہیں۔

زیر التوا مقدمات کا بوجھ کم کرنے کے لیے ہر فائنل کاز لسٹ کا کم از کم 40 فیصد حصہ 2018 تک کے پرانے مقدمات پر مشتمل ہوگا، جبکہ ضرورت کے مطابق بعد کے کیسز بھی شامل کیے جائیں گے۔ سندھ اور بلوچستان سے تعلق رکھنے والے وکلا کے مقدمات کے لیے خصوصی سہولت فراہم کرنے کی بھی شق شامل کی گئی ہے۔

مزید برآں، ہفتہ وار اور مجوزہ ماہانہ کاز لسٹس کے اجرا کے ساتھ ایک خودکار مقدمہ شیڈولنگ نظام متعارف کرانے کا فیصلہ کیا گیا ہے، جس کا مقصد شفافیت میں اضافہ، تاخیر میں کمی اور مقدمات کے مؤثر انتظام کو یقینی بنانا ہے۔

سپریم کورٹ کے مطابق یہ اقدامات عدالتی نظام کو مؤثر، ٹیکنالوجی سے ہم آہنگ اور عوام دوست بنانے کے عزم کا حصہ ہیں، جبکہ ایس او پیز عوامی آگاہی کے لیے عدالت کی سرکاری ویب سائٹ پر بھی جاری کر دیے گئے ہیں۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

13 نومبر کو دنیا ختم ہونے کی پیشگوئی ناکام، سنہ 1960 کے سائنس دانوں کا حساب کہاں غلط ہوا؟

پیٹرول اور ڈیزل مزید سستے، حکومت نے مسلسل 10ویں بار قیمتیں کم کر دیں

فرانس میں طلبا احتجاج بے قابو، حکومت نے آتش بازی اور پٹاخوں پر ملک گیر پابندی لگا دی

فریال تالپور کا بلاول بھٹو کو شادی کرلینے کا مشورہ، ’چاہیں تو ہماری ورنہ اپنی پسند کی ہی کرلیں‘

سلمان اکرم راجا کی بات کو اہمیت نہیں دیتا، انہیں اخلاقی جرات ہے تو عہدے سے استعفیٰ دیں، لطیف کھوسہ

ویڈیو

دیہات کا نمبرداری نظام اختیارات ملنے پر پاکستان کا رخ بدل سکتا ہے

اقتصادی تعاون تنظیم کے وزرائے خارجہ کے اجلاس کا آغاز، رکن ممالک کے اہم وفود کی اسلام آباد آمد

لودھراں: دریائے ستلج پل سے محروم، جدید دور میں بھی شہری جان پر کھیل کر کشتیوں کے ذریعے سفر پر مجبور

کالم / تجزیہ

بھارتی ٹیم جیت گئی، بھارتی سوچ ہار گئی

ڈیل ہو جائے گی؟

یمن کے حوثی اب مسلم امہ کے لیے ناسور بن چکے ہیں