پاکستان پیپلز پارٹی (پی پی پی) کے سینیئر رہنما سلیم مانڈوی والا نے صدر مملکت آصف علی زرداری سے متعلق سوشل میڈیا پر گردش کرنے والی خبروں کو بے بنیاد اور من گھڑت قرار دے دیا۔
اپنے بیان میں سلیم مانڈوی والا نے کہا کہ جھوٹی اور گمراہ کن اطلاعات کا پھیلاؤ قابلِ مذمت ہے اور عوام کو چاہیے کہ سوشل میڈیا پر موجود غیر مصدقہ خبروں پر توجہ نہ دیں۔
انہوں نے اس بات پر بھی افسوس کا اظہار کیا کہ بعض عناصر سیاسی مقاصد کے لیے فیک نیوز کا سہارا لے رہے ہیں۔
انہوں نے متعلقہ اداروں سے مطالبہ کیا کہ جھوٹی خبریں پھیلانے والوں کے خلاف کارروائی کی جائے۔
سلیم مانڈوی والا نے واضح کیا کہ صدر مملکت آصف علی زرداری بالکل خیریت سے ہیں اور عوام ایسی افواہوں پر یقین نہ کریں۔
