پاکستان نے مسجد اقصیٰ کے احاطے کی خلاف ورزی اور وہاں غیر قانونی اسرائیلی آبادکاروں کی جانب سے کارروائی کی شدید الفاظ میں مذمت کی ہے۔
ترجمان دفتر خارجہ نے اپنے ایک بیان میں کہا ہے کہ اسرائیلی آبادکاروں کی جانب سے مسجد اقصیٰ کے احاطے میں داخل ہو کر اس کے صحن میں قابض طاقت کا پرچم لہرانا انتہائی قابلِ مذمت عمل ہے، جو بین الاقوامی قوانین اور مقدس مقام کے تقدس کی کھلی خلاف ورزی ہے۔
🔊PR No.1️⃣0️⃣4️⃣/2️⃣0️⃣2️⃣6️⃣
Pakistan Condemns Violation of Al-Aqsa Mosque Compound
🔗⬇️ pic.twitter.com/f0JxJyV6Q9
— Ministry of Foreign Affairs – Pakistan (@ForeignOfficePk) April 21, 2026
ترجمان نے کہاکہ ایسے اشتعال انگیز اقدامات خطے میں کشیدگی کو مزید بڑھا سکتے ہیں۔
بیان مطالبہ کیا گیا ہے کہ زیرِ قبضہ مقدس مقامات کے تحفظ کے لیے فوری اور مؤثر اقدامات کیے جائیں اور غیر قانونی آبادکاروں کو حاصل استثنیٰ کا خاتمہ کیا جائے۔
مزید کہا گیا ہے کہ پاکستان فلسطینی عوام کے ساتھ مکمل یکجہتی کا اظہار کرتا ہے اور ان کے حقِ عبادت کی بھرپور حمایت جاری رکھے گا۔
پاکستان نے آزاد، خودمختار اور قابلِ عمل فلسطینی ریاست کے قیام کی بھی حمایت کی، جو 1967 سے قبل کی سرحدوں پر مبنی ہو اور اس کا دارالحکومت القدس الشریف ہو۔
