امریکا اور ایران کے درمیان مذاکرات کا دوسرا دورہ فی الحال منسوخ ہونے کے باعث صدر ٹرمپ نے امریکی صحافی کو بھی امریکا واپس آنے کا کہہ دیا۔
نیو یارک پوسٹ سے منسلک صحافی کیٹلن ڈورن بوس نے صدر ڈونلڈ ٹرمپ کا ٹیکسٹ پیغام سوشل میڈیا پر شیئر کردیا، جس میں انہیں مختصر طور پر کہا گیا کہ گھر واپس آ جاؤ۔
President Trump told me this evening it’s time to leave Islamabad. US-Iran talks round two are off. Thank you, Pakistan.❤️ https://t.co/sWyLb667bO
— Caitlin Doornbos (@CaitlinDoornbos) April 25, 2026
واضح رہے کہ امریکی صدر ڈونلڈ ٹرمپ نے ایران کے ساتھ امن مذاکرات کے لیے پاکستان کے دارالحکومت اسلام آباد بھیجے جانے والے امریکی وفد کا دورہ منسوخ کر دیا ہے۔
انہوں نے کہاکہ یہ دورہ ان کے مطابق وقت کے ضیاع کے مترادف تھا، کیونکہ بہت زیادہ وقت سفر میں صرف ہو رہا تھا اور کام کا بوجھ بھی زیادہ ہے۔
صدر ٹرمپ نے سوشل میڈیا پلیٹ فارم ٹروتھ سوشل پر اپنے بیان میں کہا کہ انہوں نے اپنے نمائندوں کا اسلام آباد جانے کا دورہ منسوخ کر دیا ہے جو ایرانی وفد سے ملاقات کے لیے طے تھا۔
انہوں نے مزید کہاکہ ایرانی قیادت کے اندر شدید اختلافات اور کنفیوژن پائی جاتی ہے اور یہ واضح نہیں کہ اصل میں قیادت کون کر رہا ہے۔
صدر ٹرمپ کے مطابق امریکا کے پاس تمام تر برتری موجود ہے جبکہ دوسرے فریق کے پاس کچھ نہیں۔ انہوں نے کہاکہ اگر ایرانی فریق بات کرنا چاہتا ہے تو براہ راست رابطہ کرے۔
