پاکستان سپر لیگ (پی ایس ایل) سیزن 11 کے کوالیفائر میں پشاور زلمی نے اسلام آباد یونائیٹڈ کو 70 رنز سے شکست دے کر فائنل کے لیے کوالیفائی کرلیا۔
نیشنل اسٹیڈیم کراچی میں کھیلے گئے اس میچ میں اسلام آباد یونائیٹڈ کے کپتان شاداب خان نے ٹاس جیت کر پہلے فیلڈنگ کا فیصلہ کیا۔
📸from #PZvIU second innings✨#HBLPSL11 | #NewEra pic.twitter.com/7chfWgwLHC
— PakistanSuperLeague (@thePSLt20) April 28, 2026
پشاور زلمی نے پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 221 رنز اسکور کیے۔
کپتان بابر اعظم نے 59 گیندوں پر 103 رنز کی شاندار اننگز کھیلتے ہوئے نمایاں کارکردگی دکھائی، یہ ان کے ٹی20 کیریئر کی 13ویں اور پی ایس ایل میں چوتھی سینچری تھی۔
دیگر کھلاڑیوں میں کوشل مینڈس نے 41، محمد حارث نے 35 اور ایرون ہارڈی نے 20 رنز بنائے۔ اسلام آباد یونائیٹڈ کی جانب سے شاداب خان نے 3 جبکہ رچرڈ گلیسن نے 2 وکٹیں حاصل کیں۔
ہدف کے تعاقب میں اسلام آباد یونائیٹڈ کی ٹیم 151 رنز پر آل آؤٹ ہو گئی، یوں پشاور زلمی نے 70 رنز سے کامیابی سمیٹتے ہوئے فائنل میں جگہ بنا لی۔
اسلام آباد یونائیٹڈ کی جانب سے سمیر منہاس نے 44 رنز کی نمایاں اننگز کیلی۔
پشاور زلمی کی جانب سے ایرون ہارڈی نے 3، سفیان مقیم اور محمد باسط نے 2،2 کھلاڑیوں کو آؤٹ کیا۔
𝑻𝒉𝒂𝒏𝒌 𝒚𝒐𝒖 𝑲𝒂𝒓𝒂𝒄𝒉𝒊! 𝑺𝒆𝒆 𝒚𝒐𝒖 𝒂𝒈𝒂𝒊𝒏 🙌🏼#HBLPSL11 | #NewEra | #PZvIU pic.twitter.com/8qruqqGUXt
— PakistanSuperLeague (@thePSLt20) April 28, 2026
یہ پشاور زلمی کی پانچویں مرتبہ پی ایس ایل فائنل تک رسائی ہے، جس کے بعد وہ لیگ کی تاریخ میں سب سے زیادہ فائنلز کھیلنے والی ٹیم بن گئی ہے۔ جبکہ پہلا موقع بھی ہے کہ بابر اعظم نے بطور کپتان اپنی ٹیم کو پی ایس ایل کے فائنل تک پہنچایا ہے۔
واضح رہے کہ اس میچ میں شکست کے باوجود اسلام آباد یونائیٹڈ ایونٹ سے باہر نہیں ہوئی اور اسے فائنل تک پہنچنے کے لیے ایک اور موقع ملے گا، جہاں وہ ایلیمنیٹر 2 میں ایلیمنیٹر 1 کی فاتح ٹیم کا سامنا کرے گی۔
