متحدہ عرب امارات کی ریاست فجیرہ میں ایران کی جانب سے ڈرون حملے کے بعد ایک پیٹرولیم صنعتی تنصیب میں آگ بھڑک اٹھی ہے۔
مزید پڑھیں: یو اے ای کا ایران کی جانب سے داغے گئے 9بیلسٹک میزائلز اور 109 ڈرون تباہ کرے کا دعویٰ
عرب میڈیا کے مطابق یہ واقعہ اس وقت پیش آیا جب اس سے کچھ دیر قبل متحدہ عرب امارات کی وزارت دفاع نے اطلاع دی تھی کہ ایران کی جانب سے داغے گئے میزائلوں کو فضائی دفاعی نظام نے راستے میں ہی ناکام بنا دیا ہے۔
قبل ازیں اماراتی وزارت دفاع نے بتایا کہ ایران کی جانب سے آنے والے 3 میزائلوں کو فضا میں ہی تباہ کر دیا گیا۔
تم رصد عدد أربعة صواريخ جوالة قادمة من إيران باتجاه الدولة حيث تم التعامل بنجاح مع ثلاث صورايخ فوق المياة الإقليمية للدولة وسقط آخر في البحر.
وأكدت وزارة الدفاع أن الأصوات المسموعة في مناطق متفرقة من الدولة هي نتيجة الاعتراض النجاح للتهديدات الجوية.
وتنوه الوزارة الجمهور الكريم… pic.twitter.com/LqHJ5oLzL9
— وزارة الدفاع |MOD UAE (@modgovae) May 4, 2026
بیان میں کہا گیا کہ مجموعی طور پر 4 میزائلوں کا سراغ لگایا گیا تھا، جن میں سے 3 کو کامیابی سے فضا میں ہی مار گرایا گیا جبکہ ایک میزائل سمندر میں جا گرا۔
وزارت دفاع کے مطابق متحدہ عرب امارات کا فضائی دفاعی نظام اس وقت بھی ممکنہ میزائل خطرے سے نمٹنے میں مصروف ہے۔
واضح رہے کہ امریکا اور ایران کے درمیان جنگ کے دوران ایران نے خلیجی ممالک پر بھی حملے کیے، اور یہ مؤقف اپنایا کہ ہم خطے میں امریکی تنصیبات کو نشانہ بنا رہے ہیں۔
مزید پڑھیں: ایران-اسرائیل جنگ، یو اے ای نے ایئرپورٹ آپریشنز جاری رکھنے کے لیے کیا اہم فیصلے کیے؟
اس وقت امریکا اور ایران کے درمیان جنگ بندی ہے، تاہم ایران کی جانب سے متحدہ عرب امارات پر داغے گئے میزائلوں اور ڈرونز کے بعد نئی کشیدگی پیدا ہوگئی ہے۔
