معروف یوٹیوبر رجب بٹ ایک بار پھر اپنی ذاتی زندگی کے حوالے سے خبروں کی زینت بن گئے ہیں۔ اہلیہ ایمان سے علیحدگی اور گھریلو تنازعات کے بعد ان کی دوسری شادی سے متعلق مختلف قیاس آرائیاں زیرِ گردش تھیں تاہم انہوں نے ان افواہوں کی تردید کر دی ہے۔
View this post on Instagram
حال ہی میں ایک انٹرویو کے دوران جب رجبب بٹ سے دوسری شادی کے بارے میں سوال کیا گیا تو انہوں نے واضح انداز میں کہا کہ فی الحال ان کا دوبارہ شادی کا کوئی ارادہ نہیں ہے۔ ان کے مطابق وہ اس وقت اپنی زندگی کے اس مرحلے میں ازدواجی بندھن کے بارے میں نہیں سوچ رہے اور نہ ہی مستقبل قریب میں اس حوالے سے کوئی منصوبہ رکھتے ہیں۔
واضح رہے کہ رجب بٹ نے 2024ء میں ایمان راجاب سے شادی کی تھی جس کی تقریبات کی ویڈیوز اور تصاویر سوشل میڈیا پر خوب وائرل ہوئیں اور مداحوں کی جانب سے اس جوڑے کو بھرپور پذیرائی ملی۔ تاہم وقت کے ساتھ دونوں کے درمیان تعلقات میں دراڑیں پیدا ہو گئیں جس کے بعد ان کی ذاتی زندگی مسلسل خبروں کی زینت بنی رہی۔
