سپریم کورٹ رجسٹرار آفس نے صدر مملکت عارف علوی کی نااہلی کے لیے دائر درخواست پر اعتراضات عائد کر دیے ہیں۔
سپریم کورٹ رجسٹرار آفس کے اعتراضات میں کہا گیا ہے کہ درخواست تحریر کرنے والے وکیل کا نام نہیں بتایا گیا، 184(3) کے استعمال کے حوالے سے اٹھائے گئے نکات تسلی بخش نہیں، درخواست گزار نے کسی دوسرے متعلقہ فورم سے نہ رابطہ کیا اور نہ ہی رابطہ نہ کرنے وجہ بتائی۔
دائر درخواست پر یہ اعتراض بھی عائد کیا گیا ہے کہ درخواست میں عوامی مفاد کے اور بنیادی حقوق کے سوال کے بارے میں نہیں بتایا گیا، نہ ہی آئین کے آرٹیکل 248 کے تحت صدر مملکت کو فریق بنایا جا سکتا ہے۔
واضح رہے کہ امتیاز نامی شہری نے صدر مملکت ڈاکٹر عارف علوی کی نااہلی کے لیے سپریم کورٹ میں درخواست دائر کی تھی۔
