وزیراعظم پاکستان شہباز شریف نے اسلام آباد میں منعقدہ پیغام اسلام کانفرنس میں شرکت کی۔
کانفرنس میں وزیراعظم نے امت مسلمہ کے لیے نمایاں خدمات انجام دینے والی شخصیات کو شیلڈز پیش کیں۔
وزیرِاعظم شہباز شریف نے آج اسلام آباد میں منعقدہ پیغامِ اسلام کانفرنس میں شرکت کی۔
کانفرنس میں وزیراعظم نے امت مسلمہ کے لیے نمایاں خدمات انجام دینے والی شخصیات کو شیلڈز پیش کیں۔ فلسطین اور سعودی عرب کے وفود کے سربراہان نے وزیراعظم کو شیلڈز پیش کیں۔
وزیراعظم نے سعودی عرب کے ولی… pic.twitter.com/VUwrB0scnj— WE News (@WENewsPk) May 6, 2026
اس موقع پر فلسطین اور سعودی عرب کے وفود کے سربراہان نے وزیراعظم کو شیلڈز پیش کیں۔
وزیراعظم نے سعودی عرب کے ولی عہد شہزادہ محمد بن سلمان کے لیے بھی اعزازی شیلڈ پیش کی جو سعودی سفیر نے وصول کی۔
انہوں نے سعودی عرب کے سفیر، فلسطین کے مفتی اعظم اور بین الاقوامی اسلامی یونیورسٹی کے صدر کو بھی شیلڈز دیں۔
وزیراعظم شہباز شریف نے پاکستان علمائے کونسل کے زیر اہتمام چھٹی بین الاقوامی پیغامِ اسلام کانفرنس سے خطاب کرتے ہوئے کہاکہ پاکستان عالمی سطح پر امن، مکالمے اور اعتماد کے فروغ میں اہم کردار ادا کر رہا ہے۔
انہوں نے کانفرنس کے انعقاد پر پاکستان علما کونسل اور بین الاقوامی تحفظِ حرمین کونسل کو مبارکباد دیتے ہوئے کہا کہ یہ اجتماع امتِ مسلمہ کے اتحاد اور محبت کی بہترین مثال ہے۔
وزیراعظم نے اپنے خطاب میں کہا کہ دنیا بھر سے آئے علما، مشائخ اور معزز مہمانوں کی موجودگی اس بات کا ثبوت ہے کہ اسلام امن، رواداری اور بھائی چارے کا دین ہے۔ انہوں نے کہا کہ امتِ مسلمہ کو درپیش مسائل کا حل باہمی محبت، اتحاد اور مثالی کردار کے ذریعے نکالا جا سکتا ہے۔
انہوں نے ایران اور امریکہ کے درمیان حالیہ مذاکرات کا حوالہ دیتے ہوئے کہا کہ پاکستان کی دعوت پر دونوں ممالک کی قیادت کا ایک پلیٹ فارم پر آنا عالمی سطح پر پاکستان پر اعتماد کا واضح ثبوت ہے، جو خطے میں امن کے لیے ایک مثبت پیش رفت ہے۔
مزید پڑھیں: عالمی امن کے فروغ میں پاکستان کا کردار نمایاں، سعودی ولی عہد کی کوششیں قابلِ تحسین ہیں، وزیراعظم شہباز شریف
سعودی ولی عہد کے کردار کو خراجِ تحسین
وزیراعظم شہباز شریف نے کہا ہے کہ پاکستان نے عالمی امن اور مسلم اُمہ کے اتحاد کے لیے تاریخی کردار ادا کیا ہے، جبکہ ایران اور امریکا کے درمیان مذاکرات میں سعودی ولی عہد محمد بن سلمان سمیت برادر ممالک کی کوششیں قابلِ تحسین ہیں۔
انہوں نے کہاکہ اسلام آباد میں ہونے والی حالیہ پیش رفت عالمی اعتماد کا مظہر ہے اور یہ خطے میں پائیدار امن کی بنیاد بن سکتی ہے۔
