میرپور میں پاکستان اور بنگلہ دیش کے درمیان جاری پہلے ٹیسٹ میچ میں پاکستان نے ٹاس جیت کر پہلے گیند بازی کا فیصلہ کیا۔ 70 اوورز کے کھیل کے بعد بنگلہ دیش نے 3 کھلاڑیوں کے نقصان پر 261 رنز بنا لیے ہیں۔
بنگلہ دیشی کپتان نجم الحسن شانتو نے شاندار کھیل پیش کرتے ہوئے 101 رنز کی ذمہ دارانہ اننگز کھیلی۔ انہوں نے 12 چوکے اور 2 چھکے بھی لگائے۔ مومن الحق 88 رنز کے ساتھ وکٹ پر موجود ہیں جبکہ مشفق الرحیم 22 رنز بنا کر ان کا ساتھ دے رہے ہیں۔
Decision made at the toss. Pakistan opt to bowl first after winning the toss 🆚 Bangladesh pic.twitter.com/HELzh7pQik
— Bangladesh Cricket (@BCBtigers) May 8, 2026
مزید پڑھیں:قومی ٹیم کے بلے باز بابر اعظم بنگلادیش کیخلاف پہلے ٹیسٹ سے باہر
پاکستانی گیند بازوں میں شاہین شاہ آفریدی، حسن علی اور محمد عباس نے ایک، ایک کھلاڑی کو آؤٹ کیا۔ بنگلہ دیش کی ابتدا اچھی نہ رہی اور ابتدائی 2 وکٹیں صرف 31 رنز پر گر گئیں، تاہم اس کے بعد نجم الحسن شانتو اور مومن الحق نے ذمہ دارانہ شراکت قائم کرکے اپنی ٹیم کو مضبوط پوزیشن میں پہنچا دیا۔
پاکستانی جانب سے نعمان علی سب سے مہنگے گیند باز رہے جبکہ محمد عباس نے نہایت کفایتی گیند بازی کا مظاہرہ کیا۔ پاکستان کی جانب سے اذان اویس اور عبداللہ فضل پہلی مرتبہ ٹیم کا حصہ بنے ہیں۔
پاکستان اسکواڈ
شان مسعود، امام الحق، سعود شکیل، محمد رضوان، سلمان آغا، شاہین شاہ آفریدی، نعمان علی، حسن علی، محمد عباس، اذان اویس اور عبداللہ فضل۔
🚨 TOSS & PLAYING XI 🚨
Pakistan win the toss and opt to field first against Bangladesh 🏏
Azan Awais and Abdullah Fazal are making their Test debut 💫#BANvPAK pic.twitter.com/RyeuELYiMt
— Pakistan Cricket (@TheRealPCB) May 8, 2026
بنگلہ دیش اسکواڈ
محمود الحسن جوئے، شادمان اسلام، مومن الحق، نجم الحسن شانتو، مشفق الرحیم، لٹن داس، مہدی حسن مرزا، تیج الاسلام، تسکین احمد، عبادت حسین، اور ناہید رانا۔
Bangladesh’s Playing XI | Dutch-Bangla Bank Bangladesh 🆚Pakistan Test Series 2026! 🏏🔥
1st Test | Day 1 | 08 May 2026 | 10:00 AM (BST)
SBNCS, Dhaka#BCB #Cricket #Bangladesh #Pakistan #Tigers pic.twitter.com/V5ny1XLZje
— Bangladesh Cricket (@BCBtigers) May 8, 2026
کپتان شان مسعود نے ڈھاکا میں پہلے ٹیسٹ میچ سے قبل پریس کانفرنس کرتے ہوئے کہا تھا کہ بنگلہ دیش کا فاسٹ باؤلنگ اٹیک بہترین ہے امید ہے ان کے خلاف اچھی کرکٹ کھیلنے کو ملے گی۔
