میئر کراچی بیرسٹر مرتضیٰ وہاب ٹریفک قوانین کی خلاف ورزی کرتے ہوئے الیکٹرک بائیک چلا کر سندھ اسمبلی پہنچ گئے جس پر سوشل میڈیا صارفین کی جانب سے شدید تنقید کی جا رہی ہے۔
میئر کراچی کے ایم سی ہیڈ آفس سے ایک اہم اجلاس میں شرکت کے لیے الیکٹرک بائیک پر سندھ اسمبلی پہنچے۔ اس دوران وہ بغیر ہیلمٹ بائیک چلاتے ہوئے دکھائی دیے جبکہ بعد ازاں انہوں نے یہ بھی تسلیم کیا کہ ان کے پاس موٹر سائیکل چلانے کا لائسنس موجود نہیں۔
واقعے کی ویڈیوز اور تصاویر سوشل میڈیا پر وائرل ہونے کے بعد صارفین نے میئر کراچی کو آڑے ہاتھوں لیا اور اسے عوام کے لیے غلط مثال قرار دیا۔
میئر صاحب کا ہیلمٹ کدھر ہے؟ pic.twitter.com/zBT4Rr2kkQ
— Naimat Khan (@NKMalazai) May 8, 2026
فیض اللہ خان نے سوال اٹھاتے ہوئے لکھا کہ میئر کراچی مرتضیٰ وہاب صاحب نے بغیر ہیلمٹ اور لائسنس کے قانون ساز ادارے سندھ اسمبلی تک اسکوٹی چلا کر اچھا کیا یا عوام کو غلط پیغام دیا؟
مئیر کراچی مرتضیٰ وہاب صاحب نے بغیر ہیلمٹ و لائسنس کے قانون ساز ادارے سندھ اسمبلی بلڈنگ تک اسکوٹی چلا کر اچھا کیا یا غلط پیغام دیا ؟ pic.twitter.com/h6912C35Ok
— Faizullah Khan فیض (@FaizullahSwati) May 8, 2026
مقدس فاروق اعوان نے لکھا کہ مرتضی وہاب کے آس پاس موٹر سائیکل سواروں نے ہیلمٹ پہن رکھے ہیں لیکن وہ کھلم کھلا ٹریفک قوانین کی خلاف ورزی کر رہے ہیں۔
مرتضی وہاب کے آس پاس موٹر سائیکل سواروں نے ہیلمٹ پہن رکھے ہیں لیکن وہ کھلم کھلا ٹریفک قوانین کی خلاف ورزی کر رہے ہیں pic.twitter.com/VZAWLXH8DK
— Muqadas Farooq Awan (@muqadasawann) May 8, 2026
فوزیہ کلثوم رانا نے مرتضیٰ وہاب کو آڑے ہاتھوں لیتے ہوئے کہا کہ قانون بنانے والے ہی جب قانون توڑنے لگیں تو ایسا لگتا ہے کہ اس ملک میں صرف غریب کو قانون کی لاٹھی سے ہانکتے ہیں ان کے لئے واقعی پیرس ہے۔
قانون بنانے والے ہی جب قانون توڑنے لگیں تو ایسا لگتا ہے کہ اس ملک میں صرف غریب کو قانون کی لاٹھی سے ہانکتے ہیں ان کے لئے واقعی پیرس ہے
— Fauzia Kalsoom (@FauziaKalsoom) May 8, 2026
میڈیا سے گفتگو کرتے ہوئے مرتضیٰ وہاب نے کہا کہ اب ہیلمٹ بھی خریدوں گا اور موٹر سائیکل لائسنس کے لیے بھی درخواست دوں گا۔
