نائب وزیراعظم و وزیر خارجہ اسحاق ڈار سے امریکا کی ناظم الامور نیٹلی بیکر نے ملاقات کی، جس میں خطے کی بدلتی ہوئی صورتحال اور پاکستان امریکا دوطرفہ تعلقات پر تبادلہ خیال کیا گیا۔
یہ بھی پڑھیں: امریکا پاکستان کے لیے بہت سے دروازے کھولنے والا ہے، محمد عاطف
ترجمان دفتر خارجہ کے مطابق ملاقات کے دوران نائب وزیراعظم و وزیر خارجہ اسحاق ڈار نے امریکا اور ایران کے درمیان رابطوں میں سہولت کاری کے حوالے سے پاکستان کے کردار کو اجاگر کیا۔
U.S. Chargé d’Affaires Natalie A. Baker met Deputy Prime Minister/Foreign Minister Senator Mohammad Ishaq Dar today to discuss the evolving regional situation and the broader Pakistan-U.S. bilateral relationship: MoFA pic.twitter.com/u782QRxr3M
— Iftikhar Firdous (@IftikharFirdous) May 11, 2026
انہوں نے امید ظاہر کی کہ جاری سفارتی کوششیں خطے اور دنیا میں امن و استحکام کے فروغ میں معاون ثابت ہوں گی۔
اسحاق ڈار نے سنگاپور کے ذریعے پاکستانی اور ایرانی بحری کارکنوں کی وطن واپسی میں امریکی تعاون کو بھی سراہا اور اس سلسلے میں جاری معاونت پر امریکا کا شکریہ ادا کیا۔
مزید پڑھیں: امریکا پاکستان پر زیادہ اعتماد، بھارت کو سائیڈ لائن کر رہا ہے: بھارتی میڈیا
ملاقات میں پاکستان اور امریکا کے دوطرفہ تعلقات کو مزید مضبوط بنانے سمیت باہمی دلچسپی کے دیگر امور پر بھی گفتگو کی گئی۔
