بنگلہ دیش نے جنوبی لبنان میں اسرائیلی حملے کی شدید مذمت کی ہے، جس میں 2 بنگلہ دیشی شہری جاں بحق ہوئے ہیں۔
حکومت بنگلہ دیش نے اس واقعے کو انتہائی سنگین اور قابلِ مذمت حملہ قرار دیتے ہوئے اس کی سخت الفاظ میں مذمت کی ہے۔
یہ بھی پڑھیں: لبنان پر اسرائیلی فضائی حملہ میں بنگلہ دیشی خاتون جاں بحق
بنگلہ دیشی وزارتِ خارجہ کی جانب سے جاری کردہ ایک اعلامیے کے مطابق جاں بحق ہونے والے افراد کی شناخت شفیق الاسلام اور محمد ناہید الاسلام ناہید کے طور پر ہوئی ہے۔
وزارتِ خارجہ نے کہا کہ حکومت نے متاثرہ خاندانوں سے گہرے دکھ اور افسوس کا اظہار کیا ہے اور ان کے ساتھ مکمل ہمدردی اور تعزیت کا اظہار کیا ہے۔
লেবাননের দক্ষিণাঞ্চলে ইসরায়েলের বিমান হামলায় দুই বাংলাদেশি কর্মী নিহত হয়েছেন।
বিস্তারিত পড়ুন এখানে: https://t.co/a3rUBNmB6P#Alap #LebanonIsrael #Israel #MiddleEastCrisis pic.twitter.com/vyk4xdN5zu
— Alap – আলাপ (@newsalap) May 12, 2026
مزید بتایا گیا ہے کہ بنگلہ دیش کا سفارتخانہ لبنان میں مقامی حکام کے ساتھ رابطے میں ہے تاکہ جاں بحق افراد کی میتوں کی وطن واپسی کے لیے ضروری قانونی کارروائی مکمل کی جا سکے۔
سفارتخانہ متاثرہ خاندانوں سے بھی مسلسل رابطے میں ہے۔
مزید پڑھیں: بنگلہ دیش میں غیر رجسٹرڈ ٹریول ایجنسیوں کے خلاف وارننگ، انسانی اسمگلنگ کے خدشات بڑھ گئے
بنگلہ دیش نے خطے میں جاری تشدد پر تشویش کا اظہار کرتے ہوئے فریقین سے زیادہ سے زیادہ تحمل کا مظاہرہ کرنے اور بین الاقوامی انسانی قوانین کی سختی سے پابندی کرنے کی اپیل کی ہے تاکہ عام شہریوں کے مزید جانی نقصان سے بچا جا سکے۔
یہ واقعہ ایسے وقت میں پیش آیا ہے جب جنوبی لبنان اور اطراف کے علاقوں میں کشیدگی اور جھڑپوں میں اضافہ دیکھا جا رہا ہے، جس کے باعث عام شہری شدید متاثر ہو رہے ہیں۔
