منشیات اور غیر قانونی اسلحہ برآمدگی کے کیس میں گرفتار ملزمہ انمول عرف پنکی سے متعلق تفتیش میں اہم پیش رفت سامنے آئی ہے۔
پولیس ذرائع کے مطابق ابتدائی تفتیش میں انکشاف ہوا ہے کہ انمول عرف پنکی ایک گرام کوکین 15 سے 20 ہزار روپے میں فروخت کرتی تھی۔
دوران تفتیش گرفتار ملزمہ کے مبینہ منشیات نیٹ ورک اور ترسیل کے طریقۂ کار کی بھی تفصیلات سامنے آئی ہیں۔
یہ بھی پڑھیں: ڈرگ ڈیلر پنکی کی گرفتاری کی ویڈیو منظرِ عام پر آگئی
ملزمہ انمول عرف پنکی منشیات کی خرید و فروخت کے لیے زیادہ تر آن لائن رابطوں کا استعمال کرتی تھی۔
تحقیقات کے مطابق ملزمہ نئے گاہکوں کو براہ راست ڈیلیوری کے بجائے مخصوص مقامات سے منشیات حاصل کرنے کا طریقہ اپناتی تھی۔
مزید پڑھیں: کوکین کوئین انمول پنکی کی گرفتاری، ’یہ ایک دن جیو کے ساتھ شوٹنگ لگ رہی ہے‘
جہاں وہ پہلے سے نشان زدہ جگہ پر نشہ آور مواد رکھوا دیتی اور خریدار مذکورہ مقام سے اسے وصول کر لیتے تھے۔
ذرائع کا مزید کہنا ہے کہ مبینہ طور پر یہ نیٹ ورک کراچی کے پوش علاقوں اور تعلیمی اداروں تک بھی فعال تھا، جہاں منشیات کی ترسیل کی جاتی تھی۔
تفتیش میں یہ بھی سامنے آیا ہے کہ اس نیٹ ورک کو چلانے کے لیے ایک خاتون سمیت 6 رکنی گروہ سرگرم تھا۔
