پاکستانی شوبز انڈسٹری کی اداکارہ عظمیٰ طاہر نے اداکار دانش تیمور کے حوالے سے اپنے خیالات کا اظہار کرتے ہوئے انہیں مغرور قرار دے دیا۔
حال ہی میں ایک پوڈکاسٹ کے دوران عظمیٰ طاہر نے کہا کہ دانش تیمور بظاہر لوگوں کی نظر میں اچھے انسان ہوں گے تاہم ان کے مطابق کامیابی حاصل کرنے کے بعد اداکار کے رویے میں تبدیلی آ چکی ہے۔
View this post on Instagram
انہوں نے کہا کہ دانش تیمور کے اندر اب ’میں‘ آ گئی ہے اور وہ اپنے ماضی کو بھول چکے ہیں۔ عظمیٰ طاہر کا کہنا تھا کہ جب دانش تیمور نے شوبز انڈسٹری میں قدم رکھا تھا تو ان کے حالات مختلف تھے اور وہ بسوں میں سفر کر کے آیا کرتے تھے۔
اداکارہ نے مزید کہا کہ انسان کو اپنی کامیابی کے باوجود اپنے ماضی کو کبھی فراموش نہیں کرنا چاہیے۔ انہوں نے اس بات پر زور دیا کہ اگرچہ دانش تیمور ایک باصلاحیت اداکار ہیں، لیکن انہیں اپنے ساتھی فنکاروں کے ساتھ عزت اور احترام سے پیش آنا چاہیے۔
