معروف اداکار اور میزبان احمد علی بٹ نے کہا ہے کہ اداکارہ ہانیہ عامر کو ’جنریشن زی کی بابرہ شریف‘ کہا جا سکتا ہے۔
مزید پڑھیں:ہانیہ عامر کی منیٰ سے تصاویر وائرل، مداحوں کی دعائیں اور تنقید کا سامنا
یہ بات انہوں نے اپنے پوڈکاسٹ میں سینئر اداکار غلام محی الدین کے ساتھ گفتگو کے دوران کہی۔ پروگرام میں جب غلام محی الدین نے اپنی مشہور فلم ’میرا نام ہے محبت‘ کے ری میک سے متعلق بات کی اور بابرہ شریف جیسی اداکارہ کی خواہش ظاہر کی تو احمد علی بٹ نے کہا کہ آج کے دور میں ایسی شخصیت ہانیہ عامر ہیں۔
ان کے مطابق ہانیہ عامر کا انداز، معصومیت اور خوش مزاج شخصیت انہیں بابرہ شریف کی یاد دلاتی ہے۔ انہوں نے کہا کہ وہ جنریشن زی فیس رکھتی ہیں اور ان میں وہی دلکشی اور توانائی موجود ہے جو ماضی کی مقبول اداکارہ بابرہ شریف میں نظر آتی تھی۔
مزید پڑھیں: دوست کی شادی میں ہانیہ عامر کا ڈانس، ویڈیوز سوشل میڈیا پر وائرل
اس موقع پر غلام محی الدین نے بھی اتفاق کرتے ہوئے کہا کہ ہانیہ عامر میں بابرہ شریف جیسا تاثر اور باڈی لینگویج پائی جاتی ہے۔
یہ گفتگو سوشل میڈیا پر بھی توجہ حاصل کر رہی ہے اور مداح اس موازنہ پر مختلف آراء کا اظہار کر رہے ہیں۔
