وفاقی وزیربین الصوبائی رابطہ احسان مزاری سے سابق چیئرمین پاکستان کرکٹ بورڈ (پی سی بی) ذکا اشرف کی ملاقات ہوئی ہے، ملاقات میں وفاقی وزیر نے ذکا اشرف کو یقین دہانی کرائی کہ آئندہ چیئرمین پی سی بی کے لیے آپ کا نام بجھوا دیا گیا ہے۔
ذکا اشرف پی سی بی کی چیئرمین شپ حاصل کرنے کے لیے متحرک دکھائی دے رہے ہیں، پچھلے 5 روز سے ذکا اشرف اسلام آباد میں موجود ہیں اور مختلف لوگوں سے ملاقاتیں کر رہے ہیں۔
آج بھی سابق چیئرمین پی سی بی ذکا اشرف نے وفاقی وزیر برائے بین الصوبائی رابطہ احسان مزاری سے ملاقات کی ہے، جس میں پی سی بی کی سے متعلق مختلف امور پر تبادلہ خیال کیا گیا۔
وفاقی وزیر احسان مزاری نے ذکا اشرف سے گفتگو کرتے ہوئے کہا کہ آئندہ چیئرمین پی سی بی کیلئے آپ کا نام دے دیا ہے۔ پیپلزپارٹی اپنے فیصلے پر قائم ہے۔
وفاقی وزیر احسان مزاری نے کہا کہ پیپلز پارٹی کی قیادت کے حکم پر ذکاء اشرف کا نام وزیراعظم کو بھجوا دیا گیا ہے۔
انہوں نے کہا کہ وزارت پیپلز پارٹی کے پاس ہے تو پی سی بی کی سربراہی کی نامزدگی بھی پیپلزپارٹی کا حق ہے۔
دوسری جانب نجم سیٹھی بھی پی سی بی کی سربراہی بچانے کے لیے سرگرم نظر آرہے ہیں، تاہم نجم سیٹھی آصف علی زرداری سے ملاقات کرنے کی کوششوں میں مصروف ہیں۔
