نیشنل ایمرجنسی آپریشنز سینٹر کے مطابق پاکستان بھر کے 79 مخصوص اضلاع میں انسدادِ پولیو کی خصوصی مہم کا آغاز کر دیا گیا ہے، جو 18 سے 24 مئی تک جاری رہے گی۔
مزید پڑھیں:وزیر اعلیٰ بلوچستان نے انسدادِ پولیو مہم کا باضابطہ افتتاح کر دیا
حکام کے مطابق مہم کے دوران ایک کروڑ 90 لاکھ بچوں کو پولیو سے بچاؤ کے قطرے پلانے کا ہدف مقرر کیا گیا ہے، جبکہ ایک لاکھ 60 ہزار سے زائد فرنٹ لائن ورکرز گھر گھر جا کر 5 سال تک کی عمر کے بچوں کو پولیو ویکسین فراہم کریں گے۔
نیشنل ای او سی کا کہنا ہے کہ پاکستان اور افغانستان میں انسدادِ پولیو مہم بیک وقت جاری ہے تاکہ وائرس کے پھیلاؤ کو مؤثر انداز میں روکا جا سکے۔
والدین سے اپیل کی گئی ہے کہ وہ پولیو ٹیموں کے ساتھ مکمل تعاون کریں اور ہر مہم کے دوران اپنے بچوں کو پولیو کے قطرے لازمی پلوائیں۔
ماہرین کے مطابق پولیو ویکسین کی ہر اضافی خوراک بچوں کی قوتِ مدافعت کو مزید مضبوط بناتی ہے اور انہیں عمر بھر کی معذوری سے محفوظ رکھنے میں اہم کردار ادا کرتی ہے۔
مزید پڑھیں:خیبر پختونخوا میں انسدادِ پولیو مہم کا آغاز، 57 لاکھ سے زائد بچوں کو قطرے پلانے کا ہدف
شہری انسدادِ پولیو مہم سے متعلق معلومات اور شکایات کے لیے 1166 یا واٹس ایپ نمبر 0346-7776546 پر رابطہ کر سکتے ہیں۔
