امریکی صدر ڈونلڈ ٹرمپ نے کہا ہے کہ ایران مذاکرات کی میز پر آ کر معاہدہ کرنا چاہتا ہے، تاہم ڈیموکریٹس اس عمل میں رکاوٹیں ڈال رہے ہیں۔ ایران پر دوبارہ حملے کیے جائیں گے یا نہیں، یہ جلد آپ کو پتا چل جائےگا۔
بال روم کنسٹرکشن سائٹ کے دورے کے موقع پر گفتگو کرتے ہوئے انہوں نے کہاکہ ایران پر حملہ کرنے سے صرف ایک گھنٹہ دور تھا۔
انہوں نے کہاکہ ایران کو جوہری ہتھیار حاصل نہیں کرنے دیے جانے چاہییں اور اس بات کو یقینی بنانا ضروری ہے کہ تہران جوہری صلاحیت حاصل نہ کر سکے۔
ڈونلڈ ٹرمپ نے کہاکہ ایران مشرقِ وسطیٰ کو غیر مستحکم کرنا چاہتا ہے، جسے وہ کامیاب نہیں ہونے دیں گے۔
صدر ٹرمپ نے مزید کہاکہ مستقبل میں بڑے فوجی اقدامات کی ضرورت پڑ سکتی ہے، تاہم انہیں امید ہے کہ صورتحال اس حد تک نہیں پہنچے گی۔
صدر ٹرمپ نے یہ بھی دعویٰ کیاکہ اگر ایران کے پاس جوہری ہتھیار آ گئے تو وہ سب سے پہلے اسرائیل کو نشانہ بنائے گا، اور پھر پورے مشرقِ وسطیٰ اور دنیا کے لیے سنگین خطرہ بن جائے گا۔
واضح رہے کہ گزشتہ روز صدر ٹرمپ نے کہا تھا کہ وہ ایران پر حملہ کرنے والے تھے لیکن سعودی عرب سمیت دیگر ممالک درخواست پر فیصلہ تبدیل کردیا۔
