امریکی صدر ڈونلڈ ٹرمپ نے سوشل میڈیا پر ایک تصویر شیئر کردی جس میں ایرانی کشتیوں کی تباہی کے مناظر دکھائے گئے ہیں۔
صدر ٹرمپ کی جانب سے شیئر کی گئی اے آئی تصویر کے کیپشن میں Adios لکھا گیا، جس کے معنی الوداع یا بائے بائے کے ہیں۔
اس پوسٹ کے بعد سوشل میڈیا پر مختلف تبصرے اور قیاس آرائیاں شروع ہوگئیں۔
یاد رہے کہ ڈونلڈ ٹرمپ اس سے قبل کہہ چکے ہیں کہ ایران کے ساتھ بیشتر معاملات طے پا چکے ہیں اور اتوار کے روز کوئی ڈیل ہو سکتی ہے۔
واضح رہے کہ پاکستان نے امریکا اور ایران کے درمیان ڈیل کے لیے بھرپور سفارتکاری کی ہے، اس سلسلے میں فیلڈ مارشل سید عاصم منیر نے ایران کا سرکاری دورہ بھی کیا۔
وزیراعظم شہباز شریف بھی پرامید ہیں کہ پاکستان بہت جلد امریکا اور ایران کے درمیان مذاکرات کے دوسرے دور کی میزبانی کرےگا۔
