نامور بھارتی گلوکار اریجیت سنگھ نے ابوظہبی میں ایک لائیو کنسرٹ کے دوران پاکستان کے معروف گلوکاروں عاطف اسلم اور شفقت امانت علی کی کھل کر تعریف کی ہے۔
اریجیت سنگھ کے اس بیان کو سوشل میڈیا پر پاکستانی اور بھارتی مداحوں کی جانب سے بے حد پسند کیا جا رہا ہے اور اس اقدام کو سرحد پار محبت کی ایک خوبصورت مثال قرار دیا جا رہا ہے۔
دورانِ پرفارمنس اریجیت سنگھ نے بالی ووڈ فلم ‘ریس’ کا مقبول ترین پاکستانی گانا ‘پہلی نظر میں’ گایا جو اصل میں عاطف اسلم کی آواز میں ریکارڈ کیا گیا تھا۔ گانا گاتے ہوئے انہوں نے اچانک پرفارمنس روکی اور وہاں موجود مداحوں سے مخاطب ہو کر ایک دلچسپ سوال پوچھ بیٹھے۔
View this post on Instagram
انہوں نے حاضرین سے پوچھا کہ کیا بھارت میں اب بھی پاکستانی گانوں پر پابندی عائد ہے۔ اریجیت سنگھ کا کہنا تھا کہ وہ خبروں پر زیادہ نظر نہیں رکھتے لیکن وہ اس صورتحال کے بارے میں جاننے کے لیے کافی متجسس ہیں کیونکہ وہ موسیقی کو سیاست سے الگ سمجھتے ہیں۔
اس کے بعد بھارتی گلوکار نے کھل کر عاطف اسلم اور شفقت امانت علی کے لیے اپنی پسندیدگی کا اظہار کیا۔ انہوں نے کہا کہ عاطف اسلم اور شفقت امانت علی ان کے پسندیدہ ترین گلوکاروں میں شامل ہیں اور وہ ان کے کام کو بے حد سراہتے ہیں۔
