گوادر یونیورسٹی کے وائس چانسلر اور پرو وائس چانسلر سمیت لاپتا ہونے والے چاروں افراد بازیاب ہوگئے۔
پولیس ذرائع کے مطابق تمام اہلکار ضلع مستونگ سے بازیاب ہوئے ہیں جبکہ وائس چانسلر اتوار کی شام اپنے گھر پہنچ گئے، جس کی خاندانی ذرائع نے بھی تصدیق کردی۔
پولیس ذرائع کے مطابق گوادر یونیورسٹی کے وائس چانسلر ڈاکٹر عبدالرزاق صابر، پرو وائس چانسلر ڈاکٹر سید منظور احمد، پرسنل اسٹاف آفیسر ڈاکٹر ارشاد بلیدی اور ڈرائیور حاتم بدل 13 مئی کو گوادر سے کوئٹہ آتے ہوئے لاپتا ہوگئے تھے۔
ذرائع کا کہنا ہے کہ چاروں افراد کی بازیابی ضلع مستونگ سے عمل میں آئی ہے جبکہ اہل خانہ کی جانب سے وائس چانسلر کی گھر واپسی کی تصدیق بھی کردی گئی ہے۔
