خیبر پختونخوا کے سیاحتی مقام ناران کی ضلعی انتظامیہ نے بابوسرٹاپ جانے والے سیاحوں، مسافروں اور ٹرانسپورٹ آپریٹرز کو غیر ضروری سفر سے گریز کا مشورہ دیا ہے۔
ناران کی ضلعی انتظامیہ کی جانب سے جاری کردہ سفری ہدایت نامہ کے مطابق علاقے میں مسلسل برفباری کے باعث سڑکوں کی صورتحال خطرناک ہو چکی ہے اور آمدورفت شدید متاثر ہو رہی
ہے۔
یہ بھی پڑھیں: شاہراہ بابوسر پر ریسکیو آپریشن جاری، پاک فوج سرگرم
ضلعی انتظامیہ کی جانب سے سرکاری ذرائع ابلاغ کے ذریعے جاری کردہ اعلامیے میں کہا گیا ہے کہ خطے میں جاری برفباری مسافروں کو سنگین مشکلات سے دوچار کر سکتی ہے۔
انتظامیہ نے بابوسر ٹاپ کا رخ کرنے والے تمام افراد کو ہدایت کی ہے کہ سفر کی منصوبہ بندی سے قبل موسم کی تازہ ترین صورتحال ضرور معلوم کریں، کیونکہ موسمی حالات تیزی سے تبدیل ہو
سکتے ہیں۔
The district authorities in Khyber Pakhtunkhwa’s Naran have issued a travel advisory for Babusar Top, urging tourists, travellers, and transport operators to exercise caution and avoid unnecessary travel due to persistent snowfall and hazardous road conditions.
— Abdul Aziz – Noman (@nomanaziz83) May 31, 2026
اعلامیے کے مطابق مسلسل برف جمع ہونے سے بابوسر ٹاپ روٹ اور ملحقہ علاقوں میں ٹریفک کی روانی بری طرح متاثر ہوئی ہے، جبکہ بعض مقامات پر صرف یک طرفہ ٹریفک کی اجازت دی
جا رہی ہے۔
انتظامیہ نے خبردار کیا ہے کہ شام 6 بجے کے بعد اس شاہراہ پر سفر کرنا مزید خطرناک ہو جاتا ہے، کیونکہ اس وقت برفباری کی شدت میں اضافہ اور حدِ نگاہ میں نمایاں کمی واقع ہو جاتی ہے۔
مزید پڑھیں: دیامر حادثہ: سیلابی ریلے میں بہہ جانے والے بچے کی لاش 3 روز بعد مل گئی
سفری ہدایت نامے میں بتایا گیا ہے کہ گاڑی چلانے والوں کو پھسلن زدہ سڑکوں، بریکوں کی ممکنہ خرابی، گلیشیائی سرگرمیوں، پہاڑوں سے پتھر گرنے اور لینڈ سلائیڈنگ جیسے خطرات کا سامنا
ہو سکتا ہے، جو انسانی جانوں اور املاک کے لیے سنگین خطرہ بن سکتے ہیں۔
ضلعی انتظامیہ نے سیاحوں، ٹرانسپورٹ آپریٹرز اور عوام سے اپیل کی ہے کہ آئندہ اطلاع تک غیر ضروری سفر سے اجتناب کریں اور مقامی انتظامیہ و قانون نافذ کرنے والے اداروں کی جانب سے
جاری ہدایات پر سختی سے عمل کریں۔
