پاکستان مسلم لیگ (ن) کے صدر اور سابق وزیراعظم نواز شریف 2 جون کو انتخابی مہم کے سلسلے میں گلگت بلتستان کا دورہ کریں گے، جس کے لیے الیکشن کمیشن نے باقاعدہ منظوری دے دی ہے۔
چیف الیکشن کمشنر گلگت بلتستان کی جانب سے نواز شریف کو دورے کی اجازت دی گئی، جبکہ الیکشن کمیشن نے اس مقصد کے لیے عدم اعتراض سرٹیفکیٹ (این او سی) بھی جاری کردیا ہے۔
مسلم لیگ ن کے صدر میاں نواز شریف کو گلگت بلتستان جا کر انتخابی مہم چلانے کا NOC مل گیا، چیف الیکشن کمشنر گلگت بلتستان نے الیکشن ایکٹ 2017 پر سختی سے عملدرآمد کی شرط پر میاں نواز شریف کی درخواست منظور کر کے این او سی جاری کیا pic.twitter.com/a2WGWuHWPL
— Ehtsham Kiani (@ehtshamkiani) June 1, 2026
الیکشن کمیشن کے مطابق نواز شریف کا انتخابی دورہ ضابط اخلاق کی مکمل پابندی سے مشروط ہوگا اور انتخابی قوانین کی خلاف ورزی کی صورت میں قانونی کارروائی عمل میں لائی جا سکتی ہے۔
یہ اجازت نامہ مسلم لیگ (ن) کی درخواست پر جاری کیا گیا، جس کے بعد سابق وزیراعظم کے گلگت بلتستان میں انتخابی سرگرمیوں میں شرکت کی راہ ہموار ہوگئی ہے۔
نواز شریف گلگت بلتستان کے انتخابات کے تناظر میں مسلم لیگ (ن) کی انتخابی مہم کا حصہ بنیں گے اور مختلف سیاسی سرگرمیوں میں شرکت کریں گے۔
واضح رہے کہ گلگت بلتستان میں 7 جون کو عام انتخابات ہونے جا رہے ہیں، اور تمام سیاسی پارٹیاں اپنی اپنی انتخابی مہم چلانے میں مصروف ہیں۔
