معروف گلوکار عاصم اظہر کے نئے ریلیز ہونے والے گانے ’آرزو‘ کے حوالے سے سوشل میڈیا پر دعویٰ کیا جا رہا ہے کہ اس گانے میں اداکارہ ہانیہ عامر کی آواز بھی شامل کی گئی ہے۔
عاصم اظہر کا نیا گانا ’آرزو‘ حال ہی میں ریلیز ہوا ہے جس میں وہ خان، مادھورکسو اور نور کے ساتھ شامل ہیں۔ گانا ریلیز ہوتے ہی سوشل میڈیا پلیٹ فارمز پر تیزی سے مقبول ہو گیا اور مختلف ٹرینڈز کا حصہ بن گیا۔
گانے کی ایک خاص لائن ’پھر سے بولو‘ نے صارفین کی توجہ حاصل کر لی ہے جس پر بعض مداحوں کا کہنا ہے کہ یہ آواز ہانیہ عامر سے مشابہت رکھتی ہے یا ممکنہ طور پر انہی کی ہو سکتی ہے۔
View this post on Instagram
عاصم اظہر کی جانب سے انسٹاگرام پر شیئر کی گئی ایک ویڈیو کے بعد یہ بحث مزید شدت اختیار کر گئی جہاں صارفین نے مختلف تبصرے کرتے ہوئے اپنی آراء کا اظہار کیا۔ کچھ صارفین نے براہِ راست ہانیہ عامر کو بھی ٹیگ کرتے ہوئے سوالات اٹھائے۔
تاہم اس حوالے سے نہ تو عاصم اظہر اور نہ ہی ہانیہ عامر کی جانب سے کوئی باضابطہ بیان سامنے آیا ہے۔ سوشل میڈیا پر یہ موضوع تاحال زیرِ بحث ہے اور مداح مختلف اندازوں اور قیاس آرائیوں کا اظہار کر رہے ہیں۔
