امریکی ریاست واشنگٹن کے شہر سیاٹل میں ایک عجیب و غریب اور حیران کن واقعہ پیش آیا ہے جہاں ایک 70 سالہ عمر رسیدہ خاتون ڈرائیور نے جی پی ایس کی ہدایات پر اندھا دھند عمل کرتے ہوئے اپنی گاڑی سڑک کے بجائے لائٹ ریل کے اونچے کنکریٹ ٹریک پر چڑھا دی۔
یہ واقعہ واشنگٹن کے شہر سیاٹل میں ماؤنٹ بیکر اسٹیشن کے قریب پیش آیا، جس کی ویڈیو سوشل میڈیا پر تیزی سے وائرل ہو رہی ہے۔
یہ بھی پڑھیں: گوگل میپس کی غلطی نے ٹورنٹو کی ایک سڑک پر ٹریفک کا نظام درہم برہم کردیا
عینی شاہدین کے مطابق خاتون نے نیویگیشن سسٹم کی ہدایات پر عمل کرتے ہوئے گاڑی ٹریک پر ڈالی اور پھنسنے سے پہلے ٹرین کی پٹریوں پر ایک ’نمایاں فاصلہ‘ طے کر لیا، جس کے بعد ان کی گاڑی نارتھ باؤنڈ (شمال کی طرف جانے والے) ٹریک پر بری طرح پھنس گئی۔
🚗😳 | Una mujer sorprendió a todos en Seattle, Estados Unidos, luego de conducir su automóvil hasta las vías elevadas del tren ligero y quedar atrapada sobre la infraestructura ferroviaria.
Según testigos, la conductora aseguró que estaba siguiendo las indicaciones del GPS. El… pic.twitter.com/E0JS3hlFNy
— 🔴 ESPACIO (@EspacioNoticias) June 3, 2026
خوش قسمتی سے اس انوکھے واقعے میں کوئی جانی نقصان یا چوٹ رپورٹ نہیں ہوئی ہے۔ حادثے کی اطلاع ملتے ہی سیاٹل فائر ڈیپارٹمنٹ اور ٹرانزٹ سیفٹی کی ٹیمیں فوری طور پر موقع پر پہنچ گئیں اور امدادی عملے کی مدد سے معمر خاتون کو گاڑی سے بحفاظت باہر نکال کر طبی معائنے کے لیے اسپتال منتقل کردیا گیا۔
یہ بھی پڑھیں: گوگل میپ نے پھر دھوکا دیدیا، نیپال جانے والے سائیکلسٹ بھارت میں بھٹک گئے
ساؤنڈ ٹرانزٹ حکام کے مطابق ٹریکس سے گاڑی کو بحفاظت ہٹانے اور امدادی کارروائیوں کے لیے پٹریوں کی بجلی فوری طور پر بند کردی گئی تھی، جس کے باعث سوڈو سے فیڈرل وے، بیکن ہل، لائن ووڈ، کولمبیا سٹی اور اوتھیلو سمیت متعدد روٹس پر ٹرین سروس شدید متاثر ہوئی۔
حکام کا کہنا ہے کہ گاڑی کو ٹریک سے ہٹانے کے بعد رات تقریباً 9 بجے لائٹ ریل سروس کو دوبارہ بحال کر دیا گیا۔
