حالیہ برسوں میں ٹک ٹاک اور انسٹاگرام ریلز جیسے شارٹ فارم ویڈیو پلیٹ فارمز نے ایک انوکھا ثقافتی اثر پیدا کیا ہے جہاں پرانی فلموں اور ٹی وی شوز کے مختصر ڈائیلاگز اور جذباتی مکالمے وائرل ہو کر انہیں دوبارہ عوامی توجہ کا مرکز بنارہے ہیں۔
سوشل میڈیا پر گردش کرنے والی یہ آڈیوز اکثر اپنے اصل سیاق و سباق سے ہٹ کر استعمال ہوتی ہیں، جس کی وجہ سے نئی نسل کے صارفین پہلے ان آوازوں سے واقف ہوتے ہیں، پھر تجسس کے تحت ان کے ماخذ کو تلاش کرتے ہیں اور یوں پرانے میڈیا کو دیکھنے کا ایک نیا سیلاب امڈ آتا ہے۔
یہ پورا چکر نوجوانوں میں ماضی کی یادوں اور تجسس کی وجہ سے بے حد مقبول ہو رہا ہے۔
View this post on Instagram
اس رجحان کی ایک بڑی مثال مشہور ہالی ووڈ فلم ’مین گرلز‘ ہے، جس کے متعدد ڈائیلاگز جیسے ’بدھ کے روز ہم گلابی کپڑے پہنتے ہیں‘ روزمرہ کی سماجی ویڈیوز میں ردعمل کے طور پر کثرت سے استعمال ہو رہے ہیں اور اس فلم کو ڈیجیٹل دنیا میں زندہ رکھے ہوئے ہیں۔
اسی طرح ڈزنی چینل کی فلم ‘کیمپ راک’ کا ایک جملہ ’وہ واقعی بہت اچھی ہے‘، آج کل سوشل میڈیا پر کسی کی خراب کارکردگی کا طنزیہ مذاق اڑانے کے لیے میم مٹیریل کے طور پر وائرل ہے، جو 2000 کی دہائی کے آغاز کے ٹین ایج میڈیا کی یاد تازہ کرتا ہے۔
View this post on Instagram
دوسری جانب مشہور فلم ‘دی ہنگر گیمز کا تاریخی جملہ ’میں رضاکارانہ طور پر خود کو پیش کرتا ہوں‘ اب روزمرہ کی ناپسندیدہ صورتحال یا گھر کے کام کاج کو مبالغہ آرائی کے ساتھ بیان کرنے کے لیے ایک عالمی آڈیو بن چکا ہے۔
مزید برآں، ٹی وی کی تاریخ کے مقبول ترین ڈرامے ’گریز اناٹومی‘ کا ایک انتہائی جذباتی مکالمہ ’مجھے چنو، مجھ سے محبت کرو‘ جہاں ایک طرف رومانوی کمزوری کے اظہار کے لیے استعمال ہورہا ہے، وہیں دوسری طرف صارفین اس پر مزاحیہ اور پیروڈی ویڈیوز بنا کر تفریح کا سامان پیدا کررہے ہیں۔
View this post on Instagram
یہ ٹرینڈ ثابت کرتا ہے کہ سوشل میڈیا پرانی کہانیوں کو نیا جنم دینے کی بھرپور صلاحیت رکھتا ہے۔
