وزیراعظم شہباز شریف نے سینئر سیاسی رہنما اور سابق وفاقی وزیر داخلہ چوہدری نثار علی خان کی رہائش گاہ کا دورہ کیا اور ان کی خوشدامن کے انتقال پر گہرے دکھ اور افسوس کا اظہار کیا۔
مزید پڑھیں: کیا چوہدری نثار علی خان پی ٹی آئی میں شمولیت اختیار کررہے ہیں؟
وزیراعظم نے مرحومہ کے لیے دعائے مغفرت اور درجات کی بلندی کی دعا کی، جبکہ سوگوار خاندان کے لیے صبر جمیل اور استقامت کی بھی دعا کی۔
وزیراعظم شہباز شریف کی چوہدری نثار علی خان کی رہائش گاہ آمد، خوشدامن کے انتقال پر تعزیت
وزیراعظم نے سینئر سیاسی رہنما اور سابق وفاقی وزیر داخلہ چوہدری نثار علی خان کی رہائش گاہ کا دورہ کیا اور ان کی خوشدامن کے انتقال پر گہرے دکھ اور افسوس کا اظہار کیا۔@KulAalam @iamabidmalik pic.twitter.com/Z5Do9oxjv0— Media Talk (@mediatalk922) June 8, 2026
اس موقع پر وزیراعظم نے چوہدری نثار علی خان کی عیادت بھی کی اور ان کی خیریت دریافت کرتے ہوئے نیک خواہشات کا اظہار کیا۔
ملاقات میں سردار ایاز صادق، وفاقی وزیر قانون اعظم نذیر تارڑ اور وفاقی وزیر اطلاعات و نشریات عطا اللہ تارڑ بھی موجود تھے۔
مزید پڑھیں: کیا چوہدری نثار عمران خان سے ملاقات کے لیے اڈیالہ جیل جا رہے ہیں؟
شرکا نے مرحومہ کے ایصالِ ثواب کے لیے دعا کی اور اہلخانہ سے تعزیت و ہمدردی کا اظہار کیا۔
