امریکی محکمہ دفاع کے ہیڈکوارٹر پینٹاگون میں فضائی معیار سے متعلق ایک مشتبہ مسئلے کے بعد عمارت کے بعض حصوں میں جزوی لاک ڈاؤن نافذ کردیا گیا اور کئی منزلیں احتیاطی طور پر خالی کرا لی گئیں۔
یہ بھی پڑھیں: پینٹاگون کے اعدادوشمار: ایران کے خلاف جنگ میں امریکا نے کتنے ارب ڈالر صرف کردیے، کیا اسلحہ و گولہ بارود کا ذخیرہ کم پڑگیا؟
امریکی محکمہ دفاع کے ترجمان شان پارنیل کے مطابق پینٹاگون میں نصب حفاظتی نظام نے ہوا کے معیار میں ایک مسئلے کی نشاندہی کی، جس کے بعد متاثرہ علاقوں میں موجود افراد کو اپنی جگہوں پر رہنے کی ہدایت جاری کی گئی۔
انہوں نے کہا کہ عمارت اور اس میں موجود افراد کی حفاظت کے لیے تمام ضروری احتیاطی اقدامات کیے جارہے ہیں۔
میڈیا رپورٹس کے مطابق واقعے کے بعد فائر فائٹرز اور ہنگامی امدادی ٹیمیں موقع پر پہنچ گئیں اور ممکنہ خطرناک مواد کی موجودگی کی تحقیقات شروع کر دیں۔
یہ بھی پڑھیں: پینٹاگون نے 80 برس پرانے راز افشا کردیے، اڑن طشتریوں سے متعلق خفیہ فائلیں بالاخر جاری
عینی شاہدین نے بتایا کہ امدادی اہلکار مکمل حفاظتی لباس، گیس ماسک اور کیمیائی تحفظ کے سازوسامان کے ساتھ عمارت میں داخل ہوئے۔
