اقوامِ متحدہ کے ذیلی ادارے انٹرنیشنل لیبر آرگنائزیشن (آئی ایل او) نے آن لائن پلیٹ فارمز کے ذریعے کام کرنے والے گیگ ورکرز کے لیے پہلی مرتبہ لازمی عالمی روزگار معیارات منظور کر لیے ہیں، جن کا مقصد تنخواہوں، تحفظ، سماجی سہولیات اور کام کے حالات کے لیے کم از کم عالمی معیار مقرر کرنا ہے۔
یہ بھی پڑھیں: اقوام متحدہ انسانی حقوق کونسل اجلاس کے موقعے پر مذاکرہ، مقبوضہ کشمیر کی صورتحال پر اظہار تشویش
آئی ایل او کے اجلاس میں جمعہ کو رائیڈ ہیلنگ، فوڈ ڈلیوری، ای کامرس اور دیگر ڈیجیٹل پلیٹ فارمز سے وابستہ کارکنوں کے حقوق سے متعلق کنونشن کی منظوری دی گئی۔ ووٹنگ کے دوران 406 ارکان نے حمایت، 8 نے مخالفت جبکہ 36 نے رائے شماری میں حصہ نہیں لیا۔
🚨 Historic victory for platform workers.
After years of worker organizing and union advocacy, the first @ilo international labour convention for the platform economy is now a reality.#PlatformWorkers #GigWorkers #WorkersRights #FutureOfWork https://t.co/x4E2iBml7i
— UNI Global Union (@uniglobalunion) June 12, 2026
منظور شدہ کنونشن کے تحت گیگ ورکرز کو بنیادی مزدور حقوق اور تحفظات فراہم کرنے کی کوشش کی جائے گی، جن میں مناسب معاوضہ، کام کی جگہ پر تحفظ اور سماجی تحفظ کی سہولیات شامل ہیں۔ بعض حقوق کا اطلاق کارکن کی قانونی حیثیت کے مطابق ہوگا، یعنی خود روزگار افراد اور باقاعدہ ملازمین کے لیے مختلف شقیں لاگو ہو سکتی ہیں۔
کنونشن میں یہ بھی کہا گیا ہے کہ ڈیجیٹل پلیٹ فارمز اپنے خودکار نظاموں کے اثرات سے متعلق کارکنوں کو آگاہ کریں گے اور اکاؤنٹ معطل یا بند کرنے جیسے اہم فیصلوں میں انسانی مداخلت کو یقینی بنائیں گے۔
یہ بھی پڑھیں: بچوں کی شادی اور خواتین کی خودمختاری سے متعلق طالبان قانون پر اقوام متحدہ کی شدید تنقید
آئی ایل او کے مطابق اس معاہدے سے دنیا بھر میں ڈیجیٹل پلیٹ فارمز کے ذریعے کام کرنے والے کروڑوں افراد کو فائدہ پہنچے گا۔ ماہرین کا کہنا ہے کہ یہ اقدام ایک ایسے شعبے میں کارکنوں کے حقوق کے تحفظ کی جانب اہم پیش رفت ہے جو اب تک محدود ضابطوں کے تحت کام کررہا تھا۔
