ویمنز ٹی20 ورلڈ کپ میں روایتی حریفوں کے درمیان ہونے والے اہم مقابلے میں بھارت نے پاکستان کے خلاف ٹاس جیت کر پہلے بیٹنگ کرنے کا فیصلہ کیا ہے، جس کے بعد بھارتی ٹیم کی بیٹنگ جاری ہے۔
قومی ویمنز ٹیم اب بھارتی بیٹرز کو کم سے کم اسکور تک محدود رکھنے کی کوشش کرے گی، جبکہ شائقین کرکٹ کی نظریں ٹورنامنٹ کے اس ہائی وولٹیج مقابلے پر مرکوز ہیں۔
واضح رہے کہ ویمنز ٹی20 ورلڈ کپ 2026 میں یہ پاکستان کا پہلا میچ ہے، جبکہ دونوں ٹیموں کے درمیان ہونے والے مقابلے کو ٹورنامنٹ کے سب سے دلچسپ اور سنسنی خیز معرکوں میں شمار کیا جا رہا ہے۔
قبل ازیں پاکستان کرکٹ ٹیم کے مایہ ناز بیٹر بابر اعظم نے ویمنز ٹی20 ورلڈ کپ 2026 میں شرکت کرنے والی قومی ویمنز ٹیم کے لیے نیک تمناؤں کا اظہار کرتے ہوئے قوم سے ان کی بھرپور حوصلہ افزائی کی اپیل کی ہے۔
بابر اعظم نے سوشل میڈیا پر اپنے پیغام میں کہاکہ ٹی20 ورلڈ کپ کے لیے پاکستان ویمنز ٹیم کے لیے ہماری نیک خواہشات ہیں۔
پاکستان ٹیم کی فاطمہ ثنا کی زیرِ قیادت گرین شرٹس روایتی حریف کے خلاف تاریخی فتح حاصل کرنے کے لیے مکمل اعتماد کے ساتھ میدان میں اتری ہیں۔ یہ بڑا میچ برمنگھم کے تاریخی اسٹیڈیم ایجبسٹن میں کھیلا جارہا ہے۔
