پاکستان پیپلز پارٹی کے چیئرمین بلاول بھٹو زرداری نے ایران اور امریکا کے درمیان طے پانے والے امن معاہدے کا خیرمقدم کرتے ہوئے اسے خطے میں کشیدگی کے خاتمے اور مذاکرات کے فروغ کی جانب ایک اہم پیشرفت قرار دیا ہے۔
مزید پڑھیں:امریکا اور ایران کے درمیان معاہدہ طے پاگیا، پاکستان کے لیے یہ کتنی بڑی کامیابی ہے؟
اپنے بیان میں بلاول بھٹو زرداری نے کہا کہ یہ مثبت پیشرفت تمام فریقین کی مدبرانہ قیادت، دوراندیشی اور امن کے لیے مشترکہ عزم کی عکاس ہے۔ انہوں نے کہا کہ وزیرِاعظم شہباز شریف کی قیادت اور وژن اس عمل کو آگے بڑھانے میں قابلِ ستائش رہا، جس پر وہ انہیں خراجِ تحسین پیش کرتے ہیں۔
چیئرمین پیپلز پارٹی نے فیلڈ مارشل سید عاصم منیر کو بھی علاقائی استحکام اور امن کے لیے ان کی ثابت قدم حمایت پر سراہا۔ انہوں نے نائب وزیرِاعظم اسحاق ڈار، وزارتِ خارجہ اور شریک ممالک کی سفارتی ٹیموں کی پیشہ ورانہ صلاحیتوں اور پسِ منظر میں کی جانے والی مسلسل سفارتی کوششوں کو بھی کامیابی کا اہم سبب قرار دیا۔
دوسری جانب وفاقی وزیر داخلہ محسن نقوی نے بھی ایران امریکا معاہدے پر ردِعمل دیتے ہوئے کہا کہ فیلڈ ماشل سید عاصم منیر نے ایک بار پھر نہ صرف اپنے ملک بلکہ عالمی امن کے لیے بھی مؤثر کردار ادا کیا ہے۔
He did it. Again.
Not just for his country this time, but for the world. pic.twitter.com/gUxrtIWkE0
— Mohsin Naqvi (@MohsinnaqviC42) June 14, 2026
مزید پڑھیں:ایران امریکا مذاکرات میں پاکستان کا کردار: کیا اسلام آباد نے جنگ کو پھیلنے سے روک دیا؟
انہوں نے اپنی ایکس پوسٹ میں کہا کہ فیلڈ ماشل سید عاصم منیر نے ایک مرتبہ پھر ثابت کیا کہ مؤثر سفارتکاری اور سنجیدہ قیادت کے ذریعے پیچیدہ عالمی تنازعات کے حل میں اہم کردار ادا کیا جا سکتا ہے۔
