جسٹس حسن اظہر رضوی نے قائم مقام چیف جسٹس وفاقی آئینی عدالت کے عہدے کا حلف اٹھا لیا۔
وفاقی آئینی عدالت کے اعلامیے کے مطابق حلف برداری کی تقریب کراچی رجسٹری میں منعقد ہوئی، جہاں جسٹس کے کے آغا نے جسٹس حسن اظہر رضوی سے عہدے کا حلف لیا۔
یہ بھی پڑھیں: جسٹس منیب اختر نے قائم مقام چیف جسٹس آف پاکستان کا حلف اٹھا لیا
اعلامیے میں کہا گیا ہے کہ چیف جسٹس امین الدین خان اس وقت سرکاری دورے پر روس کے شہر سینٹ پیٹرزبرگ میں موجود ہیں، جہاں وہ بین الاقوامی قانونی فورم میں شرکت کر رہے ہیں۔
اعلامیے کے مطابق چیف جسٹس امین الدین خان کی غیر موجودگی کے دوران جسٹس حسن اظہر رضوی قائم مقام چیف جسٹس وفاقی آئینی عدالت کے فرائض انجام دیں گے۔
اعلامیے میں مزید بتایا گیا کہ بین الاقوامی قانونی فورم عدالتی تعاون کے فروغ اور آئینی و قانونی امور پر عالمی سطح پر مکالمے کو آگے بڑھانے کے مقصد سے منعقد کیا جا رہا ہے۔
