حکومت کا پیٹرولیم مصنوعات کی قیمتیں برقرار رکھنے کا فیصلہ

حکومت نے فی الحال پیٹرولیم مصنوعات کی قیمتیں برقرار رکھنے کا فیصلہ کیا ہے، پیٹرول اور ڈیزل کی موجودہ قیمتوں میں کوئی کمی نہیں کی گئی۔

موجودہ قیمتیں اور حکومتی مؤقف

سرکاری اعداد و شمار کے مطابق پیٹرول کی فی لیٹر قیمت 299 روپے 78 پیسے جبکہ ہائی اسپیڈ ڈیزل کی قیمت 311 روپے 78 پیسے پر برقرار ہے۔

یہ بھی پڑھیں:خام تیل کی قیمتوں میں مزید کمی، پاکستان میں پیٹرولیم مصنوعات کتنی سستی ہوسکتی ہیں؟

وفاقی وزیر طارق فضل چوہدری اور وزیراعظم کے مشیر رانا ثنا اللہ نے اس سے قبل قیمتوں میں کمی کا عندیہ دیتے ہوئے کہا تھا کہ وزیراعظم کی ہدایت ہے کہ عالمی منڈی میں قیمتوں میں کمی کا فائدہ براہِ راست عوام تک پہنچایا جائے، جس سے مہنگائی میں کمی لانے میں مدد ملے گی۔

وزیراعظم کے مشیر رانا ثنا اللہ نے بھی حالیہ دنوں میں پیٹرولیم مصنوعات کی قیمتوں میں مزید کمی کا اشارہ دیا تھا۔

عالمی منڈی کی صورتحال

دوسری جانب عالمی مارکیٹ میں خام تیل کی قیمتوں میں گراوٹ کا سلسلہ جاری ہے۔ تازہ ترین اعداد و شمار کے مطابق امریکی خام تیل کی قیمت کم ہو کر 68.65 ڈالر فی بیرل جبکہ برینٹ کروڈ آئل کی قیمت 71.52 ڈالر فی بیرل پر آ گئی ہے۔

مزید پڑھیں:پیٹرولیم مصنوعات سستی، مگر ٹرانسپورٹ کے کرایوں میں کمی وعدوں تک محدود

اسی طرح ابوظہبی مربان کروڈ کی قیمت 65.98 ڈالر فی بیرل ریکارڈ کی گئی ہے۔ ماہرین کا ماننا ہے کہ عالمی طلب و رسد میں تبدیلی کے باعث یہ گراوٹ دیکھنے میں آئی ہے۔

اوگرا کی سمری اور حتمی فیصلہ

میڈیا رپورٹس کے مطابق آئل اینڈ گیس ریگولیٹری اتھارٹی (اوگرا) نے پیٹرولیم مصنوعات کی قیمتوں میں 20 سے 50 روپے فی لیٹر تک ممکنہ کمی کی سمری تیار کر لی گئی تھی۔

تاہم اس ریلیف کا حتمی فیصلہ وزیراعظم کی جانب سے کیا جائے گا۔ عوام اب بھی حکومتی اعلان کی منتظر ہے کہ آیا عالمی منڈی میں ہونے والی کمی کا اثر کب تک ان کی جیبوں پر پڑے گا۔